- Fonte: Musicasturiana.com / @culturallanes @nieve_sita /
Llega la II edición de la X.O.T.A. (La Xira L’Oriente Trad Alcuentru)!! Torna’l baille, torna la folixa, tornen los alcuentros colos vecinos, tornen las emociones h.uertes hehehe!!
Guardade la fecha que ya está ehí!!Tres del éxitu de la edición del pasáu añu, torna la La X.O.T.A., Xira L’Oriente Trad Alcuentru. El 6 y 7 de xunu en Llanes esti festival de música y baille inspiráu na tradición, va acoyer dende les manifestaciones más próximes a la tresmisión oral hasta otres más creatives y vanguardistes. Nes próximes selmanes el Grupu Etnográficu L’Oriente de la Asociación Cultural Llacín -organizador d’esti eventu que cunta col sofitu del Conceyu de Llanes- va dar anuncia de les actividaes.
Na programación del pasáu añu hubo en Porrúa un homenaxe a informantes de la zona, un conciertu del tríu femenín de percusión 6 Riales y escenariu abiertu con nueche en danza; mentes qu’en Llanes hubo un taller d’iniciación al baille gallegu y les actuacioens de Pandereteros d’Anguaño, l’Andecha Folclor d’Uviéu, Asociación Cultural O Fiadeiro de Vigo, Grupu Etnográficu L’Oriente y los conciertos de Draque, el dúu cántabru Casapalma y Omiri de Portugal, apostando asina por formaciones foriates qu’entemecen tradición y electrónica.
«La Xira ñaz col enfotu del G.E.L’Oriente de poner en valor la tradición oral, interpretándola como un hechu cultural vivu susceptible d’usase de manera creativa amás de tener que cuidase pa la so conservación. Tamién tien l’oxetivu de dinamizar la música y el baille tradicional asturianu, creando espacios pa la participación de las xeneraciones xóvenes n’actividades rellacionadas col patrimoniu cultural», comenten dende la organización del eventu pa desplicar dalgunes de les sos razones de ser. El vienres 6 y sábadu 7 de xunu, va poder vivise too ello otru añu más.
