Sonia Barnes (Xixón, 1982), de soltera Quintana Muñoz, trabaya n’una vera del llagu Michigan qu’a la so manera tien vistes al Cantábricu. Filóloga, docente ya investigadora na Universidá Marquette de Milwaukee (Wisconsin), estudia l’asturianu a más de 6.000 kilómetros d’Asturies “para dar visibilidá a la llingua fora del Principáu”.
Y nun ye la única, y ellí aprecien lo que fai y páguenlu. Y percibió más la estima que l’estigma de les llingües minoritaries y celebra’l valor que nes redolaes académiques ¡dar a l’asturiana “como oxetu lexítimu d’investigación llingüística”…
N’agostu dirá venti años que llegó a Estaos Xuníos con munches ganes de ser profesora universitaria, una llicenciatura en Filoloxía Hispánica y una plaza nun programa de máster pa enseñar y aprender a enseñar na Universidá Miami de Oxford (Ohio).
Dende aquel primer aterrizaxe hasta güei hai un doctoráu n’Ohio State, un rápidu procesu de fascinación polos métodos d’enseñanza nel país que lu acoyó y un home y dos fíes estadounidenses y una carrera de trelce años en Marquette. Exerz nuna universidá xesuita con unos 11.000 estudiantes onde toa’l so llabor investigador –la tesis, los proyectos, los artículos en revistes bien reputaes– sigue gravitando sobre l’asturianu y onde dirixe’l programa d’enseñanza d’español pa falantes d’heriedu.
