- Fonte: LNE /
L’horticultor xixonés Carlos Madalena, ente les 33 figures internacionales «que tán camudando’l mundu» según «National Geographic»
La prestixosa revista de naturaleza y esploración escueye al asturianu que dirixe los Kew Gardens, nel suroeste de Londres, como na llista de «Axentes del Cambéu», profesionales de relevancia internacional, «que les sos idees innovadores fixeron del mundu un llugar meyor».
L’horticultor xixonés Carlos Madalena, trabayador de Kew Gardens, la colección botánica más grande del mundu, unos xardinos asitiaos al suroeste de Londres, foi escoyíu pola revista “National Geographic” como xuno de los “33 Axentes del Cambéu”, una llista de destacaos personaxes del ámbitu internacional “que les sos idees innovadores llograron faer que’l mundu sía un llugar meyor”.
Madalena, qu’apocayá recibió la Cruz d’Oficial de la Orde d’Isabel la Católica nun solemne actu celebráu na Embaxada d’España en Reinu Uníu, asegura que ye “un arguyu” pone-y «un toque d’acentu español» a la llista de ‘National Geographic’.
El botánicu asturianu, moteyáu’l mesíes de les plantes» (como’l títulu del so llibru), comparte’l diversu ránking con celebridaes del cine como Michelle Yeoh, Jason Momoa o Edward Norton; según deportistes de la talla del futbolista español Hector Bellerín o la escaladora ecuatoriana Carla Pérez, ente otros.
L’horticultor, qu’en 2022 tuvo detrás del descubrimientu d’un nenúfar xigante del xéneru Victoria cultiváu en Kew (Londres) que foi nomáu especie nueva pa la ciencia, foi escoyíu polos sos esfuerzos rescatando plantes en peligru d’escastase. En declaraciones a EFE, Madalena reconoció que-y paez «abondo increíble» trate nesa llista.
«El National Geographic ye, ensin dulda, un clásicu nel mundu de la esploración, l’aventura y les ciencies naturales y poro, ye un tou un honor ser incluyíu na so llista de ’33 Axentes del Cambéu que faen el nuesu mundu meyor’ como aventureru, representando’l mundu de la botánica y la protección de plantes en peligru d’estinción», indicó.
El mesíes de les plantes. Ser parte d’esos escoyíos «ye toa una sorpresa y una oportunidá terrible pa visibilizar el fechu de qu’unes cien mil especies que nun tán descrites y más de 70.000 de les conocíes tán amenaciaes por estinción», dixo.
