- Fonte: kissthemountain / videu Youtube /
PRIMER AL URRIELLU. TRES LES BUELGUES
Pedro Pidal y Gregorio Pérez enfrentarense a mil dificultaes camino d’un suañu de color de fueu. Por ello, el nuesu eternu agradecimientu.
“L’instintu del trunfu, la conquista, apodérase de nós; xubíamos con enganía, nun reparábamos nos peligros y nun dicíamos una palabra; tou sonría a la nuesa ambición escomanada, y cuando l’embudu abrióse y la vertical empezó a dexar de selo, yo desamarré la cuerda, qu’abandoné al picu Cainejo, pasé a ésti, y saltando, llocu, bébedu de prestar, di’l más terrible ¡hurra! que diera nos díes de la mio vida.”
El xerme de delles xeneraciones d’apasionaos pola aventura creció a la so solombra y entá güei caltien intacta la so capacidá d’encantamientu. Ye nestos montes cercanos onde precisamente ta’l nuesu raigañu y recuérdennos d’ónde venimos, el primer pasu pa conocer a ónde vamos.
Del pasáu, el presente y seique el futuru trata precisamente la hestoria que l’equipu d’A’l filu de lo imposible amuésanos nesti documental sobro la prodixosa primer ascensión a la Naranxo de Bulnes nel corazón de los Picos d’Europa, el monte que probablemente meyor resuma l’alpinismu español.
