- Fonte: LNE videu /
Asturies yá tien el so Valle del Jerte col primer plantíu profesional de zrezales n’Ayande: «Ye increíble que naide lo intentara antes». Los primeros productores profesionales de cereza na rexón esperen recoyer 15 tonelaes pel branu: «Ye un llugar aparente». Na localidá allandesa de Llinares, Gabriel Rius xúbise a unquad para percorrer les sos once hectárees de zrezales, un cultivu únicu, a nivel profesional, na rexón.
Nel trayectu, esti barcelonés afincáu n’Asturies «por amor», emociónase al ver el so cultivu cada vez más grande. «¡A mi, que me morríen siempres les plantes que tenía nel balcón!», bromia. Y de aquellos polvos, estes folles: 9.500 árboles que, cola llegada de la primavera empezaron a floriar, y que van dar los primeros frutos a mediaos de xunu.
Asocedióme l’agricultura porque, col cambéu climáticu, surdíen oportunidaes que taben fuxendo del Sur. La primer idea fueron los frutos coloraos, pero falando con una amigu que cultiva cereza en Tarragona, optamos por esa opción«, rellata Rius.
Si a Rius dícen-y, va dos décades, qu’acabaría viviendo nun pueblu de L.leitariegos y cultivando cereces, nun lo creyera. Pero va quince años atopose nel camín cola cangueta Susana Fernández. Y tou foi camudando adulces: «Conocimos un branu na Mariña Brava, yo taba de viaxe y ella yera camarera… Cuando terminó’l so contratu díxi-y que diba acompañala a Asturies, y equí quedé», rellata Rius, quien entós daquella se dedicaba al comerciu esterior.
A los trés años llegó’l so primer fíu,Nel; y al poco, el segundu, Pau. Con esti postreru la so vida dio un xiru de 180 graos. «Nun podía siguir calteniendo esi ritmu de trabayu, viaxaba muncho y pasábame más de mediu mes fora de casa, asina que rompí con tou y decidí buscar opciones pa poder conciliar vida llaboral y familiar.
