Celia Álvarez empezó a xugar al fútbol a los 24 años. En 2022, foi una de les fundadores del Frida CFF y anguaño ocupa’l cargu de secretaria na xunta directiva. Mientres dos temporaes, tamién foi xugadora del equipu, y anguaño pasó a ser la segunda entrenadora del primer equipu, amás de siguir como entrenadora na escuela.
Anguaño, Celia ye presidenta de la Comisión de Fútbol Femenino na RFFPA, en representación del Frida CFF, y tamién forma parte de la xunta directiva de la RFFPA como vocal. El Frida CFF ye un club de fútbol femenino fundáu en 2022 por un grupu de muyeres coles mires d’ufiertar un espaciu onde les chiques sían les protagonistes. Dende’l so entamu, tuvo empobináu íntegramente por muyeres, tantu na so xunta directiva como nel so cuerpu técnicu.
