/ 
Sara García Alonso, científica y astronauta española, tayante sobro la visibilidá de la muyer na ciencia: «Si yo pudi, otres tamién van poder». L’astronauta de reserva de la ESA esbilla’l camín que la llevó a convertise nun referente de les nueves xeneraciones de futures científiques. “Nel espaciu nun hai nada previsible, tienes que ser capaz d’afaete a lo que surda”
- Fonte: Mundo Deportivo / podcast /
- Sara García Alonso: wiki / semeyes / ficha llibru / National G / El País /
«Nun momentu de la mio vida decidí convertime naquella persona que siempres suañara ser, enfrentame a tolo que me daba mieu».
Desque conocimos la identidá de los dos nuevos astronautes españoles de la ESA, munchos fueron los artículos escritos en redol a la figura de Pablo Álvarez y Sara García Alonso. Nesta ocasión, queremos eponderar la figura de la bióloga molecular, sobremanera nel apartáu de la divulgación científica.
Sara García Alonso: enfrentándose al mieu para ser una referente de ciencia. El nome d’esta moza lleonesa de 35 años empieza a ser bien popular en medios de comunicación nacionales y n’institutos y colexos de too el país. Cuando Sara foi escoyida como astronauta de reserva de l’Axencia Espacial Europea, non solo empezaba un llargu camín de preparación para esta nueva faceta de la so vida, sinón que s’abriese la puerta para presentase como la referente femenina de la ciencia española nel sieglu XXI.
Sara García Alonso, trabayadora del Centru d’Investigaciones Oncolóxiques, combina’l so llabor d’investigación na llucha contra’l cáncer colos entrenamientos a los que tien de sometese dacuando na base de la ESA en Colonia. Sicasí, tamién tien tiempu d’atender a medios de comunicación como National Geographic España, y de cuntar cómo ye’l so llabor actual de divulgación.
Amás de falar, na entrevista que te enllazábamos enantes, avera del procesu de selección para ser astronauta de l’Axencia Espacial Europea, Sara afirma qu’en 2016 tomó una importante decisión personal, qu’implicaba convertise en «aquella persona que siempres suañara ser, enfrentame a tolo que me daba mieu, probar nueves esperiencies, empezar a curiar la mio alimentación, el mio físicu…».
Dicho y fecho, años de duru trabayu y sacrificiu fueron compensaos, non solo cola so chaqueta d’astronauta de reserva o colos sos importantes llabores d’investigación nel CNIO, sinón tamién como una de les grandes cabeces visibles de la divulgación científica n’España. Ello ye que asegura que «la mio manera de contribuyir a España, a l’Axencia Espacial Europea y a la esploración espacial ye sopelexando, averando la ciencia a la xente, llevándo-yos un pedacito del espaciu a les sos mentes».
Al respective de vese como un referente nes nueves xeneraciones de muyeres d’esti país, l’astronauta española que ye «bien importante normalizar la presencia de muyeres n’ensame de disciplines, dende inxenieres hasta astronautes, astrofísiques, o biólogues». Ella defínese como xuna chica normal, evidentemente que llogró un finxu históricu gracies a la ESA, y que si «yo pudi, otres tamién van poder».
Escuchar a Sara García Alonso ye esfrutar col privilexu de tar frente a una de les mentes más brilloses de la so xeneración.
La vida académico y profesional de Sara García Alonso (Llión, 1989), ta cuayada de finxos. Acabó’l bachilleratu con matrícula d’honor y recibió un premiu estraordinariu poles sos investigaciones contra’l cáncer que llevó a cabu mientres el so doctoráu en bioloxía molecular. El so brillosu espediente académicu llevola inclusive a formar parte de la popular asociación de superdotaos Mensa.
«La mio forma de contribuyir al mundu de la ciencia ye sopelexando, llevando un pedacito d’espaciu a la mente de los mios espectadores».
«¿Cómo vas suañar con daqué que desconoces qu’esiste? Ye bien importante normalizar la presencia de muyeres nes carreres «STEAM»».
https://www.penguinlibros.com/es/libros-autoayuda/354235-libro-orbitas-9788466680288
Órbites nun pretende trazar un camín perfectu escontra la consecución de les tos metes; ye más bien una invitación a l’aventura y a la esploración interior.
Nestes páxines, Sara García Alonso -primer astronauta española de l’Axencia Espacial Europea- comparte la so particular esperiencia, chiscada d’anécdotes personales, para ufiertanos claves sobro cómo plantegar y encarar los desafíos. Con un testimoniu inspirador y vitalista, l’autora funde ensayu, ficción y autobiografía pa cavilgar sobro los impulsos que nos emponen a lo llargo de la vida y moldien la nuesa forma de ver el mundu, de la que nos afala a nun rindinos nunca na persecución de los nuesos suaños.
Estremáu en seis «órbites», cada capítulu enceta temes como la busca de la identidá, la llibertá pa tomar decisiones propies, la valentía de desafiar lo establecío, la espansión de les llendes físiques y mentales, y el pesu de les tradiciones. Tou ello con una mirada crítica, dacuando irónica, escontra los convencionalismos.
«Una órbita ye un camín que siguimos una vegada adquirida la inercia necesaria pa entamar l’aldu. El motor del mio viaxe, en redol al cual esquicé múltiples trayectories, ye l’interés. Esti llibru ye un compendiu de dalgunos d’esos caminos esquizaos, de los apuntes estrayíos y de los rincones qu’entá tán por afayar».
