- Fonte: LNE /
Esti consolidáu eventu para averar la ciencia a la sociedá, n’homenaxe a Margarita Salas, investigadora asturiana venceyada a la biomedicina, cumple anguaño la so X edición, qu’amás coincide col décimu aniversariu del Hospital Universitariu Central d’Asturies (HUCA), motivu pol cual va haber profesionales del centru en delles de les conferencies entamaes.
La X Selmana de la Ciencia Margarita Salas ta patrocinada pol Conceyu d’Uviéu, el Conceyu de Xixón, Institutu Oftalmolóxicu Fernández-Vega, Bayer, Asturagua, Química del Nalón, Telefónica, Gilead, IEDUCAE y Fertiberia, y amás cunta cola subvención de la Conseyería de Ciencia, Innovación y Universidá.
La edición d’anguaño va poner una atención especial a la salú humana, con diversos ponentes que van encetar temes de gran relevancia nesi ámbitu, como’l diagnósticu xenéticu, l’emprendimiento, la obesidá y los nuevos tratamientos, la diabetes, la prevención y tratamientu d’ictus o’l desenvolvimientu de modelos para antemanase a accidentes llaborales, ente otros.
«Esta edición va ufiertar una mirada interdisciplinar a la salú humana, de la mano de destacaos profesionales y líderes nos sos respectivos campos», antemana Amador Menéndez, coordinador de la Selmana de la Ciencia Margarita Salas ya investigador del Centru Tecnolóxicu Idonial.
