Cuarenta persones participen d’un Almuerzu con Eclipse n’Allande. Dende primer hora toos taben preparaos nel Parque del Oeste pa esfrutar del primer eclipse parcial de sol de 2025 apunta Diego Raigoso, de l’Asociación Cielos Despejados d’Asturies.
Un fenómenu qu’esperaben curiosos y fanáticos de l’astronomía aseguren Francisco Cano, Alberto Cano, Rosa Díez y Marcos Rodríguez, aficionaos.
Toos con gafes, telescopios y filtros caseros o d’última xeneración pa ver el cielu de forma segura espliquen Carlota Blanco y Juan García, de l’Asociación Cielos Despejados d’Asturies. Y anque de primeres les nubes punxéronlo complicao, a la fin el cielu quixo premiar la paciencia pa consiguir la imaxe del esperáu mordigañu señalen Daniela y Martina de la Rosa.
Si queden con ganes que sepan que’l 12 d’agostu del próximu añu va haber otru. Y esi va ser total. Y Uviéu ta considerada una de les meyores ciudaes del mundu pa velu. Si esi día tienen otros planes que sepan que van poder velu en TPA.
Cuarenta persones participen d’un Almuerzu con Eclipse n’Allande
Les nubes dexaron ver, en más d’una ocasión, l’eclipse parcial en La Puela (Allande). Amás de poder velu, cuarenta persones participaron d’un Almuerzu con Eclipse nel que, dende Allande Stars, esplicáron-yos cómo protexenos pa que los nuesos güeyos nun cuerran nengún riesgu apunta Lucía González Cuesta, Doctora n’Astrofísica promotora d’Allande Stars.
Pa munchos, ésti ye’l so primer eclipse. Un fenómenu que dalgunos esfrutaron en familia aseguren Virginia Peña, Susana Blanco y Graciela García.
Agora toca esperar al 12 d’agostu de 2026 pa poder ver l’eclipse total.
