#lafea2025/ Visita a la FEA (Feria Edición Asturiana) 2025
Con esti relatu, Lucía Álvarez Álvarez resultó finalista en 2023 na segunda edición del Premio Hortensia Roig de lliteratura infantil, un galardón que promueve l’interés pola ciencia y la tecnoloxía ente les neñes, incentivando que más muyeres se sumen nel futuru a oficios STEM (ciencia, tecnoloxía, inxeniería y matemátiques). Atrévite a abrir les puertes d’esta casona y afaya los colores del interés y l’inxeniu.
Resume: Lara tien dolce años, una imaxinación desbordante y un corazón llenu de suaños. Cuando’l so queríu gatu Miki fina, Lara decide entamar la misión más importante de la so vida: crear una máquina para fabricar arcuíris y despidise d’él. Na so busca, enfúsase n’una misteriosa casona onde cada puerta guarda secretos, retos y fascinantes hestories de muyeres científiques ya inventores que camudaron el mundu. Dende Margarita Salas hasta Hedy Lamarr, cada alcuentru ye una llección d’inxeniu, valentía y esfotu.
