Xugábamos al ciaboga pol placer
de da-y vueltes y más vueltes al chalanu.
A correr de les foles
qu’esguilaben la ribera
nos díes de mala mar
(una qu’otra siempre siempre nos coyía).
Mio pá daquella
aprendíame a facer ñudos,
enfilada de meruques
pa dir a les cabrielles
y a ser honestu y a nun tener vergüenza.
Con mio ma rezaba’l rosariu
y lleía tebeos,
dacuando apegábamos cromos con engrudu
y escoyíemos llenteyes.
Yeren díes de «Vida y color».
Tamién en blanco y negro.
@academiadelallinguaasturiana 2022
