- Fonte: Actualidá Asturies / imaxe /
Na imaxe, el cárabo (dcha.) y la curuxa lliberaos ayeri
Mediu Rural llibera en Llanera y Corvera un cárabo y una curuxa rescataos en marzu. Ambos exemplares permanecieron nel Centru de Recuperación de la Fauna Montesa de Sobrescobiu onde permanecieron mientres un mes pa recuperase hasta poder ser reintroducíos nel so hábitat.
El cárabo común, una especie eminentemente forestal y puramente nocherniega, taba atrapáu cuando foi rescatáu polos axentes del Mediu Natural el 24 de marzu na localidá de Ferroñes, en Llanera. L’animal foi lliberáu ayeri nuna zona cercana al llugar nel que foi atopáu.
La curuxa común foi rescatada’l 12 de marzu en Piedras Blancas, nel conceyu de Castrillón, con un traumatismu. Tres la so recuperación en Sobrescobiu, ayeri pudo ser lliberáu por axentes del Mediu Natural na localidá de Calabaza, en Corvera, una zona aparente pal so desenvolvimientu con una redolada más fayadiza a les sos característiques.
