La Escuela Asturiana de Cuidos, dependiente de la Conseyería de Salú, celebra’l so décimu aniversariu cola ampliación de la so ufierta formativa para fomentar l’autocuidáu y el bienestar físico y emocional de la ciudadanía.
Hasta agora, los sos talleres y encamientos llegaron a más de trés mil persones, ente pacientes con enfermedaes cróniques y los sos cuidadores, y agora ábrese a tola población. Salú llanza una campaña para espublizar los nuevos programes, que van tener tamién una versión online.
“Queremos que la ciudadanía tome les meyores decisiones sobro la so salú, polo que reforcemos la nuesa ufierta formativa, ábrise al públicu polo xeneral, pa fomentar la so participación, tamién de forma telemática”, esplicó la directora xeneral de Cuidos, Rocío Ayande.
L’oxetivu ye que tola población asturiana aprienda a curiase, adopte vezos que favorezan el so bienestar y desenvuelva valores, actitúes y habilidaes qu’ameyoren la so calidá de vida. La escuela busca arreyar nel procesu formativu al personal sanitario, según a asociaciones y conceyos, p’ayudar a poner en práctica estos encamientos de forma más efectiva y colaborativa.
La escuela estrenó una páxina web na que puede consultase tol catálogu formativu y aportar a los cursos telemáticos. Al primer programa, Curiando viviegamente’l mio salú, súmise agora iniciatives específiques como Curiando’l mio bienestar emocional y Curiándome pa curiar, disponibles na so web.
L’ampliación de la formación de la escuela de cuidos coincide col llanzamientu de la campaña Con muncha escuela, que pretende dar a conocer los oxetivos d’esta iniciativa.
La campaña inclúi material audiovisual, reportaxes, fotografíes y conteníos dixitales con testimonios y esperiencies de delles persones que se beneficiaron de la formación. Ente les temes encetaes figuren: tomar de decisiones, el pensamientu positivu, el cambéu de vezos, el valor del grupu o la consecución de propósitos.
Nestos años, la escuela recibió la reconocencia de Bones Práctiques en Salú de la Unión Europea y integróse na Rede Nacional d’Escueles de Salú pa la Ciudadanía del Ministeriu de Sanidá.
