Entrevista con Carmen Ruiz-Tilve

• «Uviéu tien de saber lo que ye
  y nun pretender ser lo que nun ye;
  tien que modernizase calteniendo les sos tradiciones».  
• La Corredoria… Tengo un colexu col mio nome, y ye bien guapu.
  La Corredoria ye casi una ciudá yá, ye pergrande.
• Fonte: LNE /

LA NUEVA ESPAÑA presenta la serie «Uviéu, a cuerpu de cai», un percorríu per una ciudá de más de mil doscientos años, una capital a escala humana que se vive al traviés de los sos barrios. En diverses entregues, la serie va ufiertar un paséu por esos barrios en busca de les hestories humanes que definen a la capital asturiana. Na siguiente entrevista, Carmen Ruiz-Tilve, cronista oficial d’Uviéu, ufierta’l so particular puntu de vista sobro la ciudá.

Carmen Ruiz-Tilve (Uviéu, 83 años) ye cronista oficial de la ciudá na que vivió tola so vida, de San Pedro de los Arcos a Llamaquique. Novelista, historiadora y profesora universitaria xubilada de Ciencies de la Educación, exerz esti cargu con arguyu y constancia, presente ensin fallu nes cites importantes nel salón de Plenos.

Na so memoria, la ciudá multiplícase más allá de les sos vivencies, tamién nel Uviéu que retrató’l so padre, el delliniante Francisco Ruiz Tilve, y nel Antiguu, onde exercía la so güela, la maestra Matilde Tilve. A manera de bienvenida a la sección «Uviéu, a cuerpu de cai» que LA NUEVA ESPAÑA va dedicar mientres los próximos meses a la ciudá milenaria, con un percorríu barriu a barriu, Carmen Ruiz-Tilve párase a pensar, otra vegada, nesti llugar, el so llugar.

• ¿Cómo siente Uviéu nesti momentu vital?  Toi bien vendida a Uviéu. Ye bien importante pa mi dende tolos puntos de vista. Dende la cercanía, dende la hestoria… Uviéu ye enforma y equí toi.
• ¿Qué deseya a Uviéu pa lo que vien? Nun sé lo que me quedará por ver, pero que non se desorbite, que siga calteniendo tradiciones y modernizándose, por qué non. Pero dientro de les nueses llendes. Saber lo que ye y nun pretender ser lo que nun ye.
• Uviéu ye enforma y tamién son munchos. L’Uviéu relixosu, l’universitariu, l’industrial, el comercial…. Pero ta cada vez más unificáu. L’Uviéu universitariu ta un tanto veníu a menos, por más que lo sintamos. Del Uviéu comercial tamién podría dicir lo mesmo. Pero siguimos tando equí perbién, contentos de lo que somos, nós, los uvieinos de verdá.
• ¿Quién son esos? Non necesariamente los nacíos equí. La nacencia nun ye vital. Puedes nun ser d’Uviéu y sentite uvieín. A partir d’ende, perdonamos munches coses.
• ¿Qué perdonamos? Pos toes eses coses que se fueron perdiendo nuna ciudá que, con too y con eso, siguimos queriendo.
• Pero ¿cómo somos los uvieinos? ¿qué significa ser d’Uviéu? Somos como somos y tamos bien conformes con cómo somos.
• ¿Ciertu conformismu, entós? Quiciabes
• Depués hai coses bien d’equí que nun camudaron tantu. El Campu. Paezme xuna cosa maraviyosa. Antigua y moderna al empar. El Campu San Francisco ta totalmente vivu y lo que precisa ye que nun se-y meta muncha mano

«Uviéu a cuerpu de cai»: un viaxe barriu a barriu pola vida de la ciudá «Uviéu a cuerpu de cai»: un viaxe barriu a barriu pola vida de la ciudá

• L’Uviéu comercial Les tiendes clásiques sumieron casi toes. Surden otres, delles, pequenes tiendes, pero duren pocu. Sía que non, ye ciertu, la vida comercial sigue activa.
• Ta la dulcería carbayona. Toes eses confiteríes. Sí, les confiteríes aguanten muncho meyor
• ¿Somos llambiones? ¿Ye llambiona la cronista d’Uviéu? Non, nun soi llambiona. Pero a tol mundu gústa-y un dulce.
• ¿Cuál ye’l so preferíu? Un milfueyes/milhojas d’una tienda qu’hai por equí cerca de la mio casa.
• Vive en Llamaquique. Cuando fixeron la casa en que vivu agora nun había más que praos. Llevo equí más de cincuenta años y sigo bien contenta equí, Esto agora ta bien construyíu, bien ocupáu. Y sigue siendo un barriu allegre, abiertu.
• Ta amás al llau d’un colexu. Sí, pero los neños dan xunas voces…
• Uviéu, «el bien novelada» ¿Por qué gustó tantu a escritores? Quiciabes pola so condición de ciudá de segunda, non trunfadora en nada, sometida a costumes, Yo, equí, onde me ves, tengo seis noveles onde sale. Creo qu’Uviéu ye un bon llugar pa escribir y pa lleer.
• Más llugares importantes. La Catedral.  La Catedral y tol barriu que lu arrodia. Ye un sitiu perimportante, sigue siendo’l picu más altu de la ciudá, y si nun lu ye, paezlo.
• L’Antiguu ye una ayalga, ¿non?  El barriu vieyu ye importante. Y ye igual d’importante que siga vivu.
• Hai muncho turista agora. Antes nun había nengunu. Va unos años dalgunos empezamos a salir de veranéu. Y nun m’estraña que la xente venga y que guste.
• ¿Por qué? ¿Por aquello de la ciudá llimpia, de cuentu de faes que dixo Woody Allen? Y porque ye una ciudá distinta.
• ¿En qué? En tou. Tou lo fai’l mesmu. El Campu, los barrios qu’apiguren. Nun ye que sía una ciudá especialmente guapa pero sigo ye singular.
• ¿L’Uviéu de los barrios? Nací en Santa Susana, que yera y ye una cai bien guapa y bien sele. Fui a vivir a San Pedro de los Arcos que yera, entós, dafechu nueva. Y depués tán los barrios clásicos, pela redolada de la Catedral, Y más allá, nun sé, l’avenida de Galicia…
• Y Vallobín, Pumarín… L’Uviéu populosu y popular.
• La Corredoria, tamién. Ende tengo un colexu col mio nome, y ye bien guapu. La Corredoria ye casi una ciudá yá, ye pergrande.
• Tenemos un monte tamién. El Naranco, el probe, de guapu nun tien nada. Tuvo fueos de xemes en cuando, dellos gordos. Y siempres hubo xente avezao a xubir ellí tolos díes.
• La Cuesta, llamábase.  Sí, la Cuesta. Y el Picu del Paisanu.
• Y el Uviéu de les fiestes, popular. Ta bien que lo haya. Anque yo nun vaiga. Pero soi balesquida. Ye una fiesta guapa, y depués tienes San Mateo que s’enche tou. Al mio pensar, descomanadamente.
• Y tou l’Uviéu rural. Claro que sí. Tenemos De cultivalo y vivilo. Ye una zona bien guapa que tien munches ventayes, bien guapa, con una historia bien importante y bien amena en sí mesma.