Asturies promociona la so Naturaleza Minera’ na principal feria de turismu industrial del país. L’estand autonómicu atendió a más de 2.000 persones nel salón ‘B- Travel’ que se celebró esta fin de selmana en Barcelona. El Principáu combinó l’atención al públicu final y la xestión de les axendes comerciales con los operadores especializaos.
Asturies participó esta fin de selmana en l’eventu B-Industrial, l’alcuentru promocional y comercial dedicáu al turismu industrial más relevante del país. Esti espaciu temáticu ye una de les pieces más importantes de la Feria Nacional de Turismu de Barcelona (B-Travel) y convirtióse na gran cita onde los destinos turísticos amuesen el so patrimoniu industrial, presenten novedaes y establecen contactos comerciales venceyaos con esti productu.
L’estand del Principáu d’Asturies, sol lema Asturies, Naturaleza Minera, atendió a más de 2.000 persones mientres tou la fin de selmana. L’espaciu promocional d’Asturies, de casi 20 metros cuadraos de superficie, ufiertó diverses actividaes d’animación, ente elles, virtualizaciones de rutes en bicicleta per Senderos del Carbón, visites inmersives con gafes 3D a espacios mineros y un escape room venceyáu al patrimoniu industrial.
Asturies tamién celebró delles entrevistes de calter profesional con once operadores turísticos especializaos, quien amosaron el so interés n’ampliar la so cartera comercial venceyada a esti productu especializáu.
La participación del Principáu nesta feria forma parte del plan d’allugamientu d’Asturies como destín de turismu industrial, coles mires de promocionar el so patrimoniu venceyáu a la industria y a la minería ya impulsar el so curiosu turísticu.
