Vuelve’l Campamentu Altomedieval al Centru del Prerrománicu Asturianu esta Selmana Santa. Campamentu de recreación histórica con muséu viviente, charres y demostraciones. Los díes 17, 18 y 19 d’abril, con La Guardia Recreación Histórica y Escuela Asturiana de Esgrima Antigua
¡Vuelve’l nuesu campamentu medieval! Anguaño, somórguiate na hestoria y afaya de cerca cómo yera la vida na Alta Edá Media con charres y exhibiciones en vivu sobro distintos aspeutos de la vida civil y militar nel Reinu d’Asturies. Nun Pierdas esta esperiencia única p’aprender, esfrutar y viaxar nel tiempu. ¡Esperámoste!
Actividaes destacaes:
- Testiles y moda na Alta Edá Media: apriende sobro’l trabayu testil medieval, dende’l tosquiláu y cardáu hasta’l filáu y texíu, con especial atención a los tintes naturales.
- Hixene, Guapura y Salú: afaya cómo curiaben del so salú y guapura nel Reinu d’Asturies, y desmiente dellos mitos sobro la hixene medieval.
- El trabayu del cueru: el nuesu artesanu va demostrar cómo s’ellaboraben pieces de cueru como petrines y vaines, revelando técniques de curtido, amás d’influencies orientales y musulmanes nos diseños.
- La vida militar nel Reinu d’Asturies: esquiza la panoplia militar de la dómina y esfruta d’una exhibición de combate al cargu de la Escuela Asturiana d’Esgrima Antigua.
Horarios: van realizase trés pases diarios los díes 17, 18 y 19 d’abril.
Primer pase de 11:00 a 12:30 hores.
Segundu pase de 12:30 a 14:00 hores.
Últimu pase de 16:30 a 18:00 hores.
- Empobináu a: tolos públicos.
- Duración: 90 minutos.
- Imparte: Grupu de Recreación La Guardia Escuela Asturiana d’Esgrima Antigua.
- Entrada llibre hasta completar aforu.
