- El xueves taremos nel Cuevano de la Pola Siero Cellebrandol’l so 20 aniversariu!
- El Sábadu diremos pa Posada de Llanera a celebrar el díi de les lletres asturianes.
Esta selmana, la Taberna Cuévano de La Pola Siero sigue celebrando los sos venti años d’actividá chigrera y musical col festival folk …Veinte años no es nada, dempués del conciertu de La Tarrancha del pasáu 16 d’abril. Dende’l miércoles 30 d’abril hasta’l sábadu 3 de mayu, cuatro grupos destacaos de la escena asturiana van apurrir la so música: Entós, Corquiéu, José Manuel Tejedor Trío y Felpeyu.
Entós, el tríu formáu por Celia Nieto, Javier Menéndez y Adrián Argüelles, acabantes d’asoleyar el so primer EP, abren el festival esti miércoles 30 a les 21.30h na que será la so primer actuación n’Asturies. Al otru día, xueves 1 de mayu, va poder esfrutase de Corquiéu dende les 21.30h. El vienres 2 de mayu, a la mesma hora, ye’l conciertu de José Manuel Tejedor Trío -nel que’l gaiteru toca acompañáu por Dani Álvarez y Richard García-. Felpeyu ponen el ramu a la celebración d’estos venti años con un conciertu na sesión vermú del sábadu 3, dende les 13.30h. Dempués va haber una gran espicha.
