Anguaño, nel so 55 aniversariu, el 22 d’abril celebramos el Día de la Tierra. So la conseña «Nuesu poder, el nuesu planeta», la conmemoración d’anguaño pon el focu n’enerxíes llimpies, desenvolvimientu rexenerativu y necesidá de triplicar la producción global d’eletricidá llimpia para 2030, per parte de tolos países puede llograse l’oxetivu de triplicar la so producción para l’añu 2030.
Les enerxíes anovables como la solar, eólica, hidráulica, xeotérmica o mareomotriz, provienen de recursos naturales que se refaen costantemente y, lo más importante, nun xeneren emisiones contaminantes.
Ye por ello que nun mundu cada vez más afectáu pol cambéu climáticu y la contaminación ambiental, ye urxente replanteganos l’orixe de la enerxía que consumimos a diariu. Gobiernos, empreses y ciudadanos tenemos un rol crucial n’acelerar la transición escontra fontes d’enerxía llimpies y sostenibles.
La dependencia de fontes d’enerxía finites y contaminantes texó una complexa rede de desafíos ambientales, económicos y sociales qu’esixen una respuesta decidida. La transición escontra un paradigma enerxéticu llimpiu y sostenible nun ye una mera opción, ye’l camín ineludible escontra un futuru más saludable y resiliente.
