- Principado de Asturias / imaxe/
Más 
Info / - Dende mañana, 21 d’abril, y hasta el 6 de mayu.
- Va ser el primer cursu nel que l’alumnáu de 3 a 6 años va poder estudiar llingua asturiana o eonaviego.
- El formulariu para solicitalo va tar disponible en xunu, mientres el periodu de matriculación.
Tamién s’abrirál plazu de solicitú na rede d’escueles de 0 a 3, tantu autonómiques como municipales. Les families con plaza reservada nun van tener que realizar nengún trámite. - El documentu oficial para cursar la solicitú podrá descargarse de www.asturias.es y www.educastur.es.
La Conseyería d’Educación va abrir mañana’l plazu de presentación de solicitúes d’almisión para’l próximu cursu, que tendrán d’apurrise nel centru escoyíu como primer opción. Esti periodu va tar abiertu hasta’l 6 de mayu. La publicación de la llista provisional d’almitíos y escluyíos ta prevista para’l 14 de mayu, ente que’l periodu d’allegamientos va tomar del 14 al 16 del mesmu mes.
Una de les novedaes del próximu cursu ye la inclusión de la enseñanza de les llingües propies del Principáu nel segundu ciclu d’Infantil. Esta ufierta va enmarcase na área d’aprendizaxe denomináu Comunicación y representación de la realidá, una de los trés d’esta etapa formativa. Va Tener calter voluntariu, en cumplimientu de la Llei 1/1998, de 23 de marzu, d’Usu y Promoción del Asturianu.
Esta midida nun trai’l cambéu de los conteníos, polo que se garantiza que tol alumnáu reciba la mesma formación y adquiera iguales competencies. Quien lo deseyen van estudiar parte de los conteníos de Comunicación y representación de la realidá n’asturianu y eonaviego y el restu faeranlo en castellán.
Les families comenenciudes van tener que cursar una solicitú más palantre, mientres el periodu de matriculación, del 18 al 25 de xunu. La conseyería ta peracabando un formulariu que va poner a la so disposición al traviés de les direcciones de los centros.
La nueva ufierta va enllantase de forma simultánea nos trés cursos del segundu ciclu d’Infantil. Por esa razón, nesti primer añu, tendrá de solicitar la so incorporación a la enseñanza en llingua asturiana o en enaviego tol alumnáu. A partir del segundu añu, yá solo va ser necesariu que lo faiga’l de nueva incorporación.
Más detalles del calendariu
Dende mañana, 21 d’abril, y hasta el 6 de mayu, tamién ta abiertu’l plazu de solicitú de places del primer ciclu d’Infantil de toles escueles de 0 a 3 años para’l próximu cursu. Per segundu añu consecutivu, el procedimientu va ser unificáu para los centros de titularidá municipal y para los que formen parte de la nueva rede autonómica de Les Escuelines/As Escolías.
Los menores que se matricularen esti cursu en dalguna escuelina autonómica entá pindia d’apertura cunten con plaza reservada nel nivel correspondiente para’l próximu cursu y nun van tener que realizar nengún tipu de trámite.
Nel so casu, la llista provisional d’almitíos en primer opción y non almitíos va publicase’l 2 de xunu. Ese mesmu día abrirá un plazu d’allegamientos hasta’l 6 de xunu. Tantu la relación definitiva d’almitíos como les llistes d’espera espublizaránse’l 13 de xunu.
El documentu oficial para cursar la solicitú va poder descargase de los portales www.asturias.es y www.educastur.es. Para la rede autonómica, va #presentar na see de la Conseyería d’Educación o nel centru de referencia para l’almisión. Nel casu de les escueles municipales, va #facer nel llugar especificáu per cada conceyu.
