El funicular de Bulnes va reabrir al públicu esta tarde a partir de les 19:00 hores. Los técnicos solucionaron la incidencia detectada nel sistema de frenáu y completáu toles pruebes de seguridá necesaries por que’l remonte funcione en condiciones óptimes. Fonte: Actualidá Asturies /
El funicular de Bulnes va retomar esta tarde’l serviciu, colos primeros viaxes d’ida y vuelta programaos para les 19:00 y les 20:00 hores. Mañana llunes, a primer hora, van realizase llabores de tresporte de mercancíes y a partir del mediudía va reabrir al públicu col horariu habitual de la temporada alta: de 10:00 a 20:00 hores, con frecuencies cada media hora y un serviciu extra a les 8:30 hores en díes llaborables.
Los técnicos arreglaron la incidencia detectada nel sistema de frenáu en completando la renovación integral del sistema de mandu eléctricu que gobierna’l funicular. A lo llargo de la fin de selmana realizáronse toles comprobaciones necesaries para garantizar que’l remonte funciona en condiciones óptimes que garanticen dafechu la seguridá de los usuarios.
El Gobiernu d’Asturies llamenta fondamente les molesties que los trabayos causaron a los vecinos y vecines de Bulnes y tamién a los visitantes.
La sustitución de los sistemes que gobiernen el remonte supunxo xuna inversión de 1.633.500 euros. Tres más de 20 años en serviciu esta actuación dexó sustituyir los armarios de mandu y seguridá de la estación motriz, de la estación inferior y de los dos vehículos. Tamién el cambéu de la unidá de potencia del accionamiento eléctricu y los paneles de control n’estaciones y vehículos, según los frenos del accionamientu. Amás, encetóse la instalación d’un sistema de diagnósticu remotu y la renovación de too el cableaxe de potencia de les estaciones y de la fibra óptica para’l sistema de comunicaciones.
