- Fonte: LNE / El Campo de Asturias / Leche Ecológica | Queso ecológico – Productos lácteos ecológicos Campobio
El quesu azul ecolóxicu Campobio, de la cooperativa asturiana Campoastur, foi escoyíu como finalista na categoría de quesos azules del 15º Campeonatu de los Meyores Quesos d’España – Gourmet Quesos, certame nacional de referencia que se celebra nel marcu del 38º Salón Gourmets, del 7 al 10 d’abril en Madrid. «Anímanos a siguir apostando pola calidá», dicen los responsables de la quesería premiada.
Esti prestixosu concursu axunta cada añu a los quesos más destacaos del panorama nacional y ye consideráu unu de los principales escaparates para la excelencia quesera n’España. La final celebrará’l próximu 7 d’abril, cuando un xuráu especializáu va dar a conocer los quesos ganadores de cada categoría y al Meyor Quesu d’España 2025.
Campobio ye un quesu azul 100% asturianu, ellaboráu con lleche crudo ecolóxica de vaques en llendo procedente puramente de ganaderíes socies de Campoastur. Cuenta cola certificación ecolóxica del COPAE (Conseyu de la Producción Agraria Ecolóxica del Principáu d’Asturies) y ta reconocíu col sellu calidable Alimentos del Paraísu Natural, que garantiza’l so orixe y excelencia.
“Esta reconocencia ye un respaldu al trabayu colectivu que faemos dende’l campu hasta la mesa. Para nós, Campobio ye muncho más qu’un productu: ye una amuesa real de cómo’l compromisu col mediu rural, la sostenibilidá y la calidá puede traducise en productos con identidá propia y proyección nacional”, señala Jesús López, director xeneral de Campoastur..
Con más de 7.000 socios, Campoastur ye una de les principales cooperatives agroalimentaries del norte d’España, comprometida col desenvolvimientu rural, la producción ecolóxica y l’impulsu del sector primariu asturianu.
El presidente de Campoastur, Carlos García, destaca esti premiu como una reconocencia al trabayu de les nueses socies y socios, que son parte esencial d’esti proyectu, pero tamién ye un homenaxe al potencial del mundu rural asturianu». Considera la entidá que «Campobío non solo consolídase como xuno de los meyores quesos azules del país, sinón tamién como un símbolu del valor añedíu que xenera la producción local, ecolóxica y cooperativa».
