El Principado de Asturias defende nel Parllamentu la #oficialidá del asturianu y l’eonaviegu, “nuna xornada histórica dende’l respetu y la esperanza»
Fortalecería les industries culturales asturianes, que yá faen el 17,3 % de la producción en llingües propies.
- Nota de prensa reforma del estatuto para declarar la oficialidad de las lenguas propias
- Intervención de la consejera de Cultura, Política Llingüística y Deporte, Vanessa Gutiérrez.
El Gobiernu del Principáu defende nel Parlamentu la oficialidá del asturianu y el eonaviego, “n’una xornada histórica dende’l respetu y l’esperanza». La reconocencia oficial fortalecería la economía de les industries culturales rexonales, que yá realicen el 17,3 % de la so producción en llingües propies. L’Executivu reclama para la comunidá la reconocencia llingüística del que yá gocien otres autonomíes y que garantiza derechos fundamentales.
El Gobiernu del Principáu defendió güei na Xunta Xeneral el so apueste decidíu pola reforma del Estatutu d’Autonomía para reconocer la oficialidá del asturianu y del eonaviego, “n’una xornada histórica dende’l respetu y l’esperanza”, en palabres de la conseyera de Cultura, Política Llingüística y Deporte, Vanessa Gutiérrez. El cambéu normativu supondría un pasu históricu na protección y promoción de les llingües propies de la comunidá.
Na so comparecencia nel Parlamentu, L’Executivu autonómicu defendió al traviés de Gutiérrez la reconocencia espreso de les llingües d’Asturies, de les que valoró la so importancia na identidá, la hestoria y el patrimoniu cultural.
Gutiérrez destacó la relevancia que corada l’impulsu a esta reforma, sofitada por más de la metá del parlamentu, y que respuende dafechu a lo previsto na Constitución Española y nos encamientos de la Carta Europea de les Llingües Rexonales o Minoritaries, “qu’encamienta a toles instituciones públiques a protexer, caltener y promover la diversidá llingüística como patrimoniu cultural fundamental”. Nesti sentíu, la conseyera recordó que se tán encetando “derechos qu’han ser garantizáivos a tola ciudadanía”.
Los miembros del Conseyu de Gobiernu punxeron en valor el trabayu de xeneraciones d’asturianos y asturianes na preservación de la so llingua, según el llabor de ceadores, recopiladores de tradición oral, académicos y movimientos de reivindicación llingüística como Conceyu Bable, que l’añu pasáu cumplió mediu sieglu.
Amás, la conseyera de Cultura punxo de relieve’l positivu impactu que tendría la reconocencia de la oficialidá nel ámbitu cultural y económico. Una encuesta promovida pol so departamentu n’avientu de 2024 reflexa que les empreses culturales de la comunidá yá realicen el 17,3% de la so producción nes llingües propies. En sectores como l’editorial y el musical, l’usu del asturianu ronda, respectivamente, el 25 % y el 23 %, lo que reflexa un pesu creciente que se vería reforzáu cola reconocencia de la oficialidá.
El Gobiernu d’Asturies incide na meyora histórica que supondría la reforma del Estatutu pa modernizar el marcu normativu, garantizar derechos fundamentales y fortalecer la identidá cultural del territoriu. Nesti sentíu, les conseyeres y los conseyeros reivindicaron una Asturies plural, integradora y respetuosa cola so diversidá llingüística, frente a los intentos de xenerar polarización y alarmismo infundáu.
Tamién aportunaron en que la reforma otorgaría al Principáu la reconocencia del qu’otres comunidaes yá esfruten. Nesti sentíu, punxeron de relieve les contradicciones del Partíu Popular, qu’en Galicia defende la cooficialidá del gallegu mientres equí opónse a la mesma midida, y de Foro Asturies, que nel pasáu sofitó midíes d’impulsu de les llingües propies y agora adopta’l discursu de los populares. Igualmente, repitieron que’l refugu a la oficialidá de Vox respuende a una postura ideolóxica que busca la eliminación de les llingües propies en toles comunidaes, de cuenta que niega la identidá y la cultura asturiana.
El gobiernu d’unidá progresista y reformista encamentó a los grupos parlamentarios a atender la voluntá mayoritaria de la sociedá y sofitar la propuesta de reforma, que garantizaría la pervivencia del asturianu y del eonaviego como parte fundamental del patrimoniu colectivu del Principáu.
“La sociedá siempres va per delantre de -yos instituciones y el marcu xurídicu hai dir afaciéndose a esa realidá tamién”, concluyó Vanessa Gutiérrez.
