Esperamos una mañana estable que va oldear
claramente cola inestabilidá
que vamos tener pela tarde.
Vamos amanecer con nubes baxes en munches zones de la metá norte asturiana y nubes altes nel restu. Col intre de les hores les nubes baxes van dir a menos pero, sicasí, la nubosidá alta va estendese por tola rexón.
Mientres la segunda parte del día, esperamos tamién nubes medies y un aumentu na probabilidá de precipitaciones. Los bastios van empezar nel cordal y van dise moviendo en dirección norte pudiendo afectar a cualquier puntu de la rexón. Nun se refuga que, de forma local, estos bastios puedan aportar a localmente fuertes y acompañaos de nube.
Tocantes a los vientos, pela mañana van ser fluexos y variables y, a partir del mediudía, van soplar de nordeste na mariña con raches moderaes pudiendo ser inclusive daqué más significatives entá na mariña occidental pela tarde.
Les temperatures máximes van baxar hasta 6 ºC en prácticamente tol interior asturianu. Na mariña’l descensu va ser más moderáu (hasta 4 ºC menos).
Les mínimes, sicasí, van tender a xubir llixeramente respectu al martes salvu nel cordal onde se van caltener o, llixeramente, van baxar.
