Empezamos la selmana con una xornada marcada pola nubosidá en tol Principáu que va dexar precipitaciones que van acabar afectando a tola rexón. Anque pela mañana nun se refuguen, van ser muncho más probables y frecuentes mientres la segunda metá de la xornada.
Los vientos van empezar de suroeste-oeste moderaos pero, a partir del mediudía, van afitase de noroeste fluexos y va ser el momentu nel qu’entre xuna mayor carga de mugor y, poro, la probabilidá d’agües va ser muncho mayor. Les temperatures máximes, amás, van baxar salvu nel estremu oeste y suroccidente onde se van caltener.
Nel centru d’Asturies va ser onde más se note’l descensu de les temperatures al baxar hasta 3 o 4 ºC menos que los anotaos el domingu. Les mínimes, sicasí, van ser un pocu más altes.
El martes entá se preve nubosidá y precipitaciones débiles. A priori, la inestabilidá va tender a unviar a la fin y nun se refuga l’apertura d’escamplaes nel cielu. Les temperatures máximes van recuperase un pocu al xubir llixeramente de forma xeneralizada.
