Vamos amanecer con cielos nublos na mariña y, posiblemente, na zona central del Principáu. Nel restu, el día yá va empezar soleyeru. A lo llargo de la mañana, sobremanera a partir del mediudía, la nubosidá va dir sumiendo para dar pasu a una xornada con cielos pocu nublos en prácticamente tola rexón. Los vientos van ser fluexos y variables, anque pela tarde van afitase de nordeste-esti na mariña con intensidá moderada. Les raches más fuertes van rexistrase, a priori, na mariña occidental, anque na oriental van ser igualmente significatives. Les temperatures máximes van xubir tantu nel cordal como nel terciu oeste asturianu. Nel restu van caltenese ensin grandes cambeos respecto al miércoles. Les mínimes, pela so parte, van xubir nel interior central y nun van variar nel restu.
El vienres vamos amanecer con cielos pocu nublos salvu na mariña onde podríen esperase delles nubes de tipu baxu. A midida que vaiga avanzando’l día, vamos reparar un aumentu de les nubes dende l’oeste que se va dir estendiendo a tola Comunidá Autónoma. Pela tarde espérense bastios d’orixe tormentosu que podríen descargar localmente con cierta fuerza.
Tiempu más estable pal sábadu y, especialmente, pal domingu.
