Güei va presentase n’Uviéu’l traductor automáticu neuronal al #asturianu, un proyectu nel que me presta abondo que pudiere collaborar con Crisitina Valdés, cabezalera del mesmu n’Asturies.Esti preséu ye unu de los estratéxicos pal futuru del asturianu y de les demás llingües que tán implicaes.
Desenvueltu nel marcu del proyectu d’investigación Traducción automática neuronal pa les llingües romániques de la península ibérica (TAN-IBE), EL proyectu coordinólu la Universitat Oberta de Catalunya (UOC) y cuntó cola participación de les universidaes d’Uviéu, Lleida y Zaragoza.
Na presentación, presidida pol rector, va cuntase tamién con Antonio Oliver, responsable del proyectu. L’actu va tener llugar esta tarde a les 18 hores nel Aula Magna del Edificiu Hestóricu de la Universidá d’Uviéu.
La Intelixencia Artificial apriende asturianu, aragonés y aranés gracies al sistema de traducción automática neuronal qu’acaben de presentar investigadores de la Universidá d’Uviéu. https://f.mtr.cool/rfvjlmkpod
