Salú convida per carta a la población menor de 18 años a realizar una revisión bucodental para prevenir la caries y otres enfermedaes. Amás de la esploración, van ufiertase pautes sobro un correctu cepilláu de dientes y conseyos para xuna bona alimentación. Los neños y les neñes de 7 a 17 años que lu precisen van tener accesu a empasties, estracciones, llimpieces, endodoncies y pruebes radiolóxiques.
- Fonte: Actualidá Asturies /
El Serviciu de Salú del Principáu (Sespa) incorpora a tola población infantil y xuvenil al so programa de salú bucodental pa prevenir la caries y otres enfermedaes de la boca. Con esti fin, va unviar cartes a toles persones menores de 18 años pa convida-yos a realizar una revisión na unidá de salú bucodental del so centru sanitariu.
Van unviase dos cartes distintes: una empobinada a les families de la población infantil d’hasta seis años y otra a los que tienen descendientes de 7 a 17. En dambos casos, encamentase a padres y madres a solicitar una cita d’odontoloxía pa los menores nel so centru de salú.
La revisión va incluyir tantu una esploración pa valorar la situación de la boca como información sobro les midíes de prevención d’enfermedaes bucodentales, ente elles, el correctu cepilláu de los dientes y la práctica d’una alimentación sano. Amás, si se detecta dalgún principiu de caries, podrán aplicase sustances remineralizantes pa frenar la so progresión.
Pela so parte, la consulta que s’ufierta a menores de 7 a 17 años recueye, amás de la esploración y conseyos sobro cómo caltener una boca sana, l’aplicación tópica de flúor, selláu de fisures y tratamientos de mínima intervención para remineralizar mancadures provocaes pola caries y evitar la so meyora.
Cuando sía necesariu, tamién se van practicar radiografíes pa confirmar la presencia de caries, empasties na dentición definitiva, estracciones de dientes temporales y definitivos enfermos, llimpieza dental y endodoncies na dentición definitiva cuando se xenerara un dañu irreversible.
La caries y los problemes de les melles son dos de les enfermedaes más frecuentes nes persones y que pueden evitase con un cepilláu fayadizu y xuna alimentación llibre d’azucres. Nesti sentíu, la Conseyería de Salú recuerda que por que estes midíes funcionen tienen d’enllantase lo antes posible na población infantil y caltenese a lo llargo del tiempu.
Recursos educativos (web Astursalud)
Les prestaciones del programa de salú bucodental del Gobiernu d’Asturies son gratuites tantu pa la población infantil, dende’l momentu de la nacencia, como pa moces d’hasta 17 años.
