Tiempu bien pocu apacible para esti Sábadu Santu n’Asturies. L’Axencia Estatal de Meteoroloxía (Aemet) activó avisos mariellos por agua, nieve y fenómenos costeros adversos. El mal tiempu va afectar a diverses zones de la rexón, pero n’especial a la metá occidental, onde s’esperen agües persistentes que podríen venir acompañaes de nube; probables acumuladures significatives de nieve en zones altes y tamién nel Cordal, y temperatures máximes en descensu notable.
Nel suroccidente y en tola mariña d’Asturies espérense fuertes agües que van dexar precipitaciones acumulaes d’hasta 40 llitros per metro cuadráu en 12 hores. Una situación que se va allargar na mariña hasta entrada la nueche d’esti sábadu y hasta la madrugada del domingu en casu de la zona suroccidental de la rexón. Amás, la Aemet preve que puedan producise nubes locales.
