- Noticias Cuatro / Carlos Magdalena: Instagram / web personal / Facebook /Mesías de les plantes / LNE /
- #plantmessiah #elmesiasdelasplantas #carlosmagdalena. 👇🕵
Carlos Madalena, el xixonés que xuega a ser dios del clima dende Londres. El nomáu «mesíes de les plantes» ruega a los asturianos: «Please, please, please, caltengan les especies xoya del Principáu, ¡el urogallo y el salmón vannos!»
El trabayu de Carlos Madalena como horticultor nel Real Xardín Botánicu de Kew en Londres trescurre dientro d’una caxa de cristal: «Xugamos a ser el dios del clima ya intentamos controlar temperatures, lluz y mugor. L’efectu invernaderu tamién s’usa para cultivar pimientu. Superviso horticultores, estudiantes y aprendices. Xuntos caltenemos les colecciones vives, apurrimos plantes a les exhibiciones públiques, a los científicos, a otros xardinos, de cuando en vegada salimos ‘al campu’, lo cual, cultivando plantes tropicales, siempres ta llueñe, viaxo tamién para dar charres, y nel mediu de too esto, festivales del xardín, arreglos d’instalaciones, inventarios, dar cursinos, que te los dean a ti, permisos, propuestes y, nel mio casu, de cutiu dar entrevistes o participar n’eventos».
L’horticultor xixonés Carlos Madalena, ente les 33 figures internacionales «que tán camudando’l mundu» según «National Geographic»
Stop, stop. «El restu ye comer, dormir, mercar. Pagar, declarar y reclamar. Lo que menos me gusta ye aplicar y usar productos químicos, que tratamos d’evitar de toes toes. Lo menos gratificante ye’l sueldu, ta la cosa bien fea y la vida bien cara. Lo meyor ye poder trabayar contemplando formes de vida aprendiendo de los sos comportamientos, formes y síndromes. Tamién pudi ver muncho mundu viaxando, de cutiu, a árees non tan visitaes y bien remotes. Contribuyir al caltenimientu d’especies ye siempres un placer».
Desque tien usu de razón siéntese «totalmente esteláu por cualesquier forma de vida. Los mios padres tamién me lo inculcaron porque los dos teníen tamién un gran interés. Supongo que cuando nun había muncha tele nin esistíen los móviles o tabletas tábamos menos apantallados y entreteníanos más la realidá esterior onde lo natural siempres yera más fascinante y misteriosu. Teníamos toos menos ‘efectos especiales’.
Al mio padre gustábenlu los pexes, les pites y los frutales. Los dos taben estelaos de forma distinta polos páxaros y a la mio madre encantábalu la güerta y, amás, yera floristera. Pasé la infancia lleendo enciclopedies de ciencies naturales y tamién d’horticultura y xardinería. Como don Quixote, radicalicé lleendo llibros. Siempres había daqué que yera ‘lo más importante’, xunas vegaes los páxaros, otres los pexes. De cuando en vegada, astronomía o xeoloxía, pero ‘los bichos y les plantes’ yera’l nichu central. Crecí y nun se me pasó… y equí toi pasaos los mios 50 abriles».
Recuerda nel invernaderu de la memoria «les bisarmes marines que vendíen na plaza del pexe en Xixón. Yera un muséu de ciencies del mar que camudaba exhibición tou los díes, menos los llunes que taba zarráu si mal non alcordanza. Estelábame ver galernes de mar dende’l confort de la ventana d’un pisu 12 nel Muriu, terrible y dramáticu, dacuando col Castiellu de Salas’ varando y rompiendo incluyíu. El golor a chopos del parque d’Isabel la Católica.
L’amiestu de golor a crema de sol con el señores que vendíen barquillos que guardaben en contenedores coloraos con ruletes na tapa. Solo les sidreríes güelen como les sidreríes. Bollos preñáivos nel pueblu d’Asturies, quesos de Cabrales y páxaros de too tipu nel Rastru de los domingos, dir en pollín a la yerba nel pueblu de los güelos. La matanza de gochu, la obligación de llevar cadenes en Payares, la llegada de les golondrines y, inclusive, ver un urogallo nos montes de Campo Casu, onde yá ta escastáu. Y por pone-y soníu a la cosa, los ‘Illegales’, Tinu Casal, los cucos cantando nel monte cantando y un gaiteru al que nun se-y vía la cara, tapada pol so sombreru y que se faía solo nel Muriu o la cai Corrida, dignos de Jimmy Hendrix…»
