«Lo nunca visto» en Villaviciosa: una espectacular bandada d’aves de gran tamañu toma la ría y les sos porreos. Cada primavera, delles cigüeñes blanques («Ciconia ciconia») déxense ver na ría de Villaviciosa y la so redolada, como llugar de descansu o alimentu d’ésta y otres aves nos sos pasos migratorios per Asturies.
- Fonte: LNE /
Los exemplares baxaron en círculos sobro l’estuariu: ‘Foi xuna maravía, daqué estraordinariu’. Cada primavera, delles cigüeñes blanques («Ciconia ciconia») déxense ver na ría de Villaviciosa y la so redolada, como llugar de descansu o alimentu d’ésta y otres aves nos sos pasos migratorios per Asturies. Pero esti miércoles la sorpresa foi mayúscula para los vecinos del barriu La Vienta de Tornón, cuando vieron un bandu de 18 cigüeñes baxar en círculos sobro los porreos de riba y Villaverde.
“Foi xuna maravía ver la so guapura. Otros años nésta dómina vemos nestos porreos dos o trés cigüeñes, o dalguna pareya, un añu llegaron un grupu d’ocho, pero ver dieciocho cigüeñes xuntes foi daqué estraordinariu. Veles baxar toes al empar de forma sincronizada foi tou un espectáculu dignu de ver”, esplica ablucáu Guilermo Cadavieco, vecín de Tornón que caminaba col so perru pela ruta de paséu de la zona..
Según Cadavieco, nestos terrenes inundables les aves atopen muncha comida. «Equí son bien abondosos les xaronques, anguiles, cámbaros, xaronques y otres especies. Tamién hai tierres semaes onde pueden comer y ver bien relaxaes, alimentándose en compañía d’un fatáu de vaques. A esta zona ye habitual que lleguen en busca de comida garces, garcetas, gallinetes o coríos. Pero 18 cigüeñes xuntes ye daqué insólitu que nun se vio nunca en Villaviciosa, y de xuru tampoco n’Asturies. Sería bonu poner asentamientos para intentar que pudieren añerar“, esplica entusiasmáu Cadavieco pola sorprendente visita.
El biólogu maliayés Gonzalo Gil esplica lo inusual de la llegada d’estes aves a Villaviciosa: «La cigüeña blanca ye una ave pocu común n’Asturies, con solu dos o trés pareyes nidificantes. En primavera, les que se ven en Villaviciosa son migratories que provienen de Castiella o África, onde enviernen. Estes aves faen una parada nos praos húmedos barganal de la ría para alimentase antes de siguir la so ruta escontra’l norte d’Europa.
Guillermo Cadavieco que se paso la tarde esfrutando de la guapura y l’espectáculu d’estes maxestoses aves, recuerda tamién «la importancia de caltener la riqueza ecolóxica d’esta redolada de la ría, y la necesidá de protección d’estos pervalibles ecosistemes».
