Nin en Suiza nin n’Austria: unu de los pueblos más visitaos del monte ta n’Asturies y paez sacáu d’un cuentu. L’añu pasáu foi galardonáu col
premiu «Pueblo exemplar» de la Fundación Princesa d’Asturies.
- Fonte: LNE /
Ye unu de los pueblos más altos d’Asturies, allugáu a 1.050 metros d’altor nos pimpanos Picos d’Europa, y paez sacáu d’un cuentu. Trátase de Sotres, que precisamente l’añu pasáu foi galardonáu pola Fundación Princesa d’Asturies col premiu «Pueblo exemplar».
Hasta ellí, dende onde paez que puedes tocar colos deos l’emblemáticu Picu Urriellu, viaxaron el pasáu ochobre los Reyes Felipe y Letizia y les sos fíes, la Princesa Leonor y l’Infanta *Sofía para apurrir a les sos habitantes una distinción bien merecida.
Sotres ta a una distancia d’unes dos hores en coche dende Uviéu y Xixón, pero merez la pena visitalo siquier una vegada na vida. Ye’l pueblu de les nevadones y cuando ta tiñida de blancu dexa imaxes que paecen de postal. Esta localidá del Oriente del Principáu ta en plenu tresformamientu económicu, cola industria del turismu compitiendo yá cola ganadería y les queseríes como principales fontes de riqueza.
La intrahistoria de la impresionante semeya de Sotres («Pueblu exemplar»)
premiada a nivel nacional: «Di de frente con esta maravía»
«Tenemos que mirar daqué más por él, porque va a más y tien muncha importancia», aseguró apocayá Jessica López, propietaria d’una quesería y de la mesma presidenta Conseyo Regulador de la Denominación d’Orixe Protexida «Cabrales», otra de les señes d’identidá del conceyu. Na actualidá nel pueblu hai dos queseríes y una ganadería. Sotres, según calculen los vecinos, tien unos sesenta habitantes mientres l’iviernu. Pel branu son 200, col turismu, especialmente l’estranxeru, a l’alza.
Sotres, cubiertu de nieve, esti domingu.
Nel pueblu producióse, amás, una «gran operación retorno». Asina la definen los sos propios habitantes, qu’espliquen cómo, nos últimos años, el pueblu de Cabrales ta asistiendo al regresu de mozos, d’ente 30 y 40 años, que se fueron nel so día y agora quieren tornar.
«Sotres ye una esceición a la murnia riegla de la perda de población y empléu»
Asitiáu nel conceyu de Cabrales, Sotres ufierta xunas vistas inigualables de los maxestosos cumes de los Picos d’Europa. Esti encantador pueblu, coles sos cases de piedra, convirtióse nun destín imprescindible pa los amantes del montañismu y la naturaleza. Los visitantes lleguen a Sotres buscando tranquilidá y bones rutes de monte, con numberosos senderos recuperaos polos vecinos nos últimos años. Hai cuatro hoteles, un albergue, trés chigres, once cases rurales, dos tiendes y un chigre–tienda. La población, al contrariu que n’otros núcleos rurales, nun ta especialmente avieyada. Los vecinos calculen que la media d’edá bazcuya ente los 50 y los 60 años. Eso sí, los neños n’edá escolar nun lleguen a seis.
Pistes p’afayar Sotres:
los imprescindibles del Pueblu exemplar»
Ente les rutes más encamentaes pa faer en Sotres tán:
- Camín de Pandébano: Un senderu qu’ufierta vistas espectaculares y accesu a los rincones más escondíos del parque natural.
- Ruta dende Collau Timón hasta La Caballar: Perfecta pa esfrutar de la flora y fauna autóctona, lo mesmo que de impresionantes panorámiques.
- Ruta circular de Sotres: Una caminada que dexa afayar la diversidá del paisaxe, ideal pa tola familia.
