✈️ El branu de 2018 fixi’l viaxe más llargu ya interesante, Xapón. Un destín recomendable anque sía una cultura talamente distinta a la nuesa… ⛩️
- Semeya del Xardín Kenrokuen, en Kanazawa: web / info / Wikipedia / Comiviajeros /
Un formosu y famosu xardín nel corazón de Kanazawa.
Consideráu unu de los trés xardinos más bellos de Xapón, el xardín Kenrokuen ye un llugar de visita obligada en Kanazawa. El nome Kenrokuen significa «xardín con seis elementos», y son los atributos que ponen de manifiestu la impresionante guapura del xardín: amplitú, tranquilidá, artificiu, antigüedá, fontes d’agua y magnífiques vistes.
Kenrokuen ye un guapu xardín xaponés que cunta con un área de 11,4 hectárees y ta asitiáu n’una llomba nel centru de Kanazawa y próximu al castiellu de Kanazawa. La familia Maeda, que reinó’l dominiu Kaga (les actuales prefecturas d’Ishikawa y Toyama) en tiempos feudales, caltuvo’l xardín de xeneración en xeneración. Pol so tamañu y guapura, considérase unu de los xardinos de los señores feudales más representativos de Xapón.
El xardín de Kenrokuen tien un gran estanque artificial, según delles llombes y abelugos. Dende estos llugares los visitantes pueden apreciar tolo que’l xardín puede ufiertar. El gran estanque llamáu “Kasumigaike” ye comparáu col mar abiertu, y nel so interior hai una isla, na que se creía que vivía un ermitañu inmortal con un poder sobrenatural. L’estanque foi construyíu cola esperanza de dar una llarga vida y una eterna prosperidá del señor.
Amás, tamién hai un farol de piedra que recuerda a un soporte de les cuerdes d’un arpa horizontal xaponesa (Koto) y ye el símbolu del xardín. En mediu del estanque tamién podemos atopar una fonte creada usando la presión natural de la corriente de l’agua.
Los visitantes pueden esfrutar de la guapura de les flores y de los árboles, como por casu de les cirolares y zrezales en flor en primavera, azaleas ya iris xaponés a principios de branu, y les fueyes d’un fuerte color acoloratáu y mariellu na seronda. Amás, pel hibiernu, puede vese l’arrogante paisaxe de los yukitsuris (colgar de la nieve) que s’instalen a partir el 1 de payares #tou los años. Por aciu esti métodu protexen les cañes de los árboles nel xardín con cuerdes afeches en rayos cónicos pa prevenir que les cañes ruempan col pesu de la nieve.
