- Fonte: ABC /
A pesar de que’l calor tardase en llegar a España, yá empezaron los preparativos para’l branu. Son munchos los que yá escoyeron destín para les sos vacaciones, sicasí, otros siguen duldando sobre a ónde viaxar nos sos díes llibres.
El turismu de sablera ye’l favoritu de los españoles pa esta dómina del añu. Y ye qu’el nuesu país destaca pola so amplia mariña, que s’enllarga a lo llargo de casi 8.000 kilómetros. Nesti sentíu, Asturies ye una de les rexones más visitaes pel branu, por cuenta de les sos temperatures más baxes y la guapura del so paisaxe.
Sicasí, la rexón cunta con un gran númberu de sableres que faen difícil decantase por una d’elles. Nesti sentíu, la revista ‘National Geographic’ ellaboró un ranking de les meyores sableres del mundu y una mariña asturiana colóse’ nel quintu puestu d’esti llistáu.
Trátase de la sablera de Cué, conocida tamién como d’Antilles o de Canales. Esta mariña ta asitiáu na pequena aldega de Cué, allugada a dos kilómetros de Llanes, unu de los conceyos más guapos d’Asturies, y ta consideráu un llugar de suañu.
Un paraísu de sable blancu y agües seles. La sablera de Cué tien 380 metros de llargu y ye de sable finu y blanca. Esti paraísu asturianu ye d’agües azul turquesa y nun suel tar bien allegáu, polo que ye perfectu p’aquellos que busquen esfrutar d’un ambiente sele y relaxao.
Cué ta arrodiada d’un paisaxe predreso qu’epondera la so guapura. Amás, ta protexida por dellos castros o puexu que lu tapen, el más grande d’ellos Isla Grande o La Islona, qu’entá caltien los restos d’una cabana de piedra utilizada d’antiguo como abelugu pa los pescadores.
