Barbón vence énte la fuelga de profesores n’Asturies y suprime la estensión de xornada en xunu y setiembre nos colexos. El presidente afirma que va buscar víes alternatives pa garantizar a les families el serviciu comedor nesos dos meses. LNE
El presidente del Principáu, Adrián Barbón, anunció esta mañana na Xunta Xeneral del Principáu que se va recuperar l’amenorgamientu de xornada nos centros educativos públicos en xunu y setiembre. Fízolo un día dempués de la masiva protesta de los docentes. Barbón aseguró que ye una amuesa de que «el Gobiernu escucha».
L’anunciu produz un día dempués d’una fuelga y protesta de profesores, contrarios a atender a alumnos ente les 13.00 y 14.00 hores los meses de xunu y setiembre, nos que’l Principáu plantegaba estender la xornada docente por que los estudiantes pudieren aportar a los comedores. Sicasí, la protesta incorporaba otres demandes, como la equiparación salarial con otres comunidaes autónomes o l’amenorgamientu d’hores lectives a los mayores de 55 años.
«Este ye’l Gobiernu del diálogu, el qu’apela a reforzar la educación pública», señaló Barbón. Nel so anunciu aseguró que magar la suspensión de la eliminación del amenorgamientu de xornada, «vamos favorecer que pueda haber funcionamientu nos comedores que dependen del Principáu d’Asturies».
El presidente del Principáu fixo l’anunciu en respuesta a una entruga del grupu parlamentariu Vox, partíu al que llanzó xuna dura reprimenda acusándolo de tratar de desprestixar a la escuela pública.
«Ellí onde gobiernen, el so planteamientu ye devaluar la educación pública por que los padres y madres vaigan a la privada«, aseguró Barbón, qu’afirmó que Vox tien «una estratexa» y enfeó a la formación qu’en Tinéu, onde gobierna col PP «acaben de determinar l’amortización de places na Escuela de Música».
Criticó, amás, que Vox votara en contra de los presupuestos, coles midíes educatives qu’incorporaba, según otres decisiones referíes al colectivu de docentes. «Ustedes agora dicen que ponen voz a los maestros y maestres d’Asturies, pero cuando llega’l momentu de la verdá, que ye nos presupuestos, voten en contra».
