Güei, 12 de mayu, les 28 millones d’enfermeres y enfermeros del mundu,
de les que 307.000 son españoles, celebren el so Día Internacional.
El 12 de mayu celebra’l Día Internacional de la Enfermería, coles mires d’ufiertar un merecíu homenaxe a tolos enfermeros y enfermeres, qu’a nivel mundial realicen esti llabor pa tola humanidá, según rindir tributu a Florence Nightingale, que nació un 12 de mayu y ye considerada la fundadora de la enfermería moderna.
La Organización Mundial de la Salú (OMS) envaloró qu’ente 2020 y 2030 va ser necesariu contratar a 9 millones de profesionales d’enfermería p’algamar l’Oxetivu de Desenvolvimientu Sostenible relativu a la salú y el bienestar. Sicasí, n’España tenemos yá una acuciosa realidá: a día de güei, falten más de 123.000 enfermeres y 47.000 TCAEs p’algamar les ratios de la Unión Europea. Esta escasez crónica vien viéndose afectada tamién pol progresivu avieyamientu de les plantiyes y la migración de profesionales escontra otros países con meyores condiciones, polo qu’apuren soluciones inmediates.
Según los datos más recién disponibles, España caltien una ratio de 12,7 pacientes per cada enfermera o TCAE, lo que la asitia como’l país européu cola mayor carga asistencial por profesional d’enfermería. Esta cifra oldea significativamente coles d’otros países europeos, como Noruega (5,2), Irlanda (6,9), Países Baxos (7), Finlandia y Suecia (7,6), Suiza (7,8), Inglaterra (8,8) y Bélxica (10,8).
La enfermería ye bien importante na atención médica y na asistencia sanitaria, pero munches vegaes nun recibe abonda inversión o reconocencia. La enfermería ye un oficiu al traviés de la cual ponse en práctica l’atención de pacientes que precisen atención médica, por presentar distintos tipos d’enfermedaes y trestornos de salú y que riquen curiaos especiales.
Esta especialidá precisa de persones realmente comprometíes y amigues del so llabor, yá que rique de ciertes característiques humanes y filantrópiques que-yos dexe realizar un serviciu calidable autónomu y colaborativo.
Eesti día foi impulsáu pol Conseyu Internacional d’Enfermería dende l’añu 1974. El Conseyu Internacional d’Enfermería foi fundáu nel añu 1899 y anguaño ta conformada por 130 asociaciones nacionales d’enfermeros y enfermeres.
Ye la primer organización a nivel mundial que representa a tolos profesionales d’esta especialidá. Ente los sos principales oxetivos tán:
- Brindar curiaos d’enfermería d’escelente calidá, pa la población polo xeneral.
- Ufiertar polítiques de salú asertives en tol mundu.
- Llograr meyores de les conocencies d’enfermería.
- Mayor y meyor guarda d’un oficiu mundialmente conocida y respetada.
- Ufiertar recursos humanos d’enfermería competentes y satisfactorios.
¿Quién foi Florence Nightingale? Florence Nightingale nació en Florencia, Italia (1820-1910). Foi considerada la fundadora de la enfermería moderna. Gracies a ella, estableciéronse métodos estadísticos de servicios sanitarios y epidemioloxía. Per otra parte, el so modelu d’atención al paciente empobinada a caltener la enerxía vital, valiéndose de la mesma naturaleza pa llograr la sanación.
Pol so gran trabayu en pos del bienestar de la salú y el bienestar nos seres humanos, foi la primer muyer en ser galardonada pola American Statistical Asoociation y tamién tuvo l’honor de pertenecer a la Royal Statistical Societty en Gran Bretaña.
Esta estraordinaria muyer foi moteyada como l’Ánxel de los Tullíos y tamién la Dama de la Llámpara. Tresformose nuna verdadera lleenda, al convertise nuna enfermera voluntaria pa emprestar serviciu asistencial a los soldaos en batalla, mientres la guerra francu rusa nel añu 1854.
A partir d’esi momentu y gracies a el so enfotu, ameyoró l’atención y la baxa de los soldaos combatientes. Pa ello cuntó cola ayuda de 38 enfermeres más que reclutó pa brindar asistencia sanitaria, lo cual resultó xuna verdadera fazaña revolucionaria, yá que se llogró xuna notable ameyoramientu de los mancaos, según xuna amenorgamientu significativu de soldaos finaos por falta de salobridá y atención médica.
