- L’oxetivu ye recordar que xugar ye un derechu incuestionable para cada neñu y neña en toles etapes de la so crecedera y desenvolvimientu.
- Según l’Artículu 31 de la Convención de los Derechos de la Infancia: «Los neños tienen derechu al xuegu, al descansu y a participar n’actividaes recreatives, culturales y artístiques, apoderaes para la to edá».
- La tema del 2025 ye «Elixe xugar tolos díes». Trátase d’un bon recordatoriu por que toos nós y nós, dende particulares, gobiernos, empreses, escueles hasta families, tomemos decisiones que favorezan y dean prioridá al xuegu de los neños y les neñes. UN.ORG
- El 11 de xunu va tener llugar na see de les Naciones Xuníes en Nueva York un actu d’altu nivel para promover la importancia del xuegu.
Xugar. Encamentáu para tolos neños y neñes, y para los sos padres. El xuegu nun ye solo una cosa más que faer, ye otra forma de faer les coses. Dende la capacidá cognitiva hasta les habilidaes comunicatives, pasando pola meyora de la salú mental y la resiliencia emocional, el xuegu apurre a los neños y a les neñes les bases que precisen para sobrevivir y espolletar, y para construyir un futuru meyor.
Más allá de la mera recreación, el xuegu ye un llinguaxe universal que falen persones de toles edaes y que tesciende fronteres nacionales, culturales y socioeconómiques.
Tamién aguiya la resiliencia, la creatividá y l’innovación de los individuos. Para los neños n’especial, el xuegu ayuda a construyir relaciones y ameyora el control, la superación de traumas y el resolvimientu de problemes. Ayúdalos a desenvolver les habilidaes cognitives, físiques, creatives, sociales y emocionales que precisen para espolletar nun mundu en constante cambéu.
