Día Mundial de les Tortúes

¿Sabíes que lleven más de 200 millones d’años na Tierra? ¡Vieron dinosaurios y equí siguen! Hai más de 350 especies en tol mundu… y dalgunes viven más de 150 años. Curiales ye curiar la hestoria viva del planeta. Ye una especie en peligru d’estinción que precisa d’una concienciación a nivel mundial. Envalórase qu’esisten unes 357 especies de tortúes, delles de les cualos atópense so amenaza d’estinción por cuenta de factores como’l cambéu climáticu, la contaminación ambiental y la caza furtiva.

En total envalórase qu’esisten más de 300 especies distintes, delles de les cualos tán so amenaza d’estinción por culpa del cambéu climáticu, la contaminación y la caza furtiva. Toes estes estrémense en trés tipos dependiendo del hábitat nel que viven: les terrestres, les marines y les d’agua duce. Tamién hai otra gran cantidá d’especies que pueden pasar tantu tiempu na tierra como na agua.

Na nuesa cultura popular siempres se consideró a la tortúa como una criatura tolerante, paciente y sabia. Amás, gracies a la so llonxevidá, incluyóse en numberosos mitos de too el mundu, rellacionaos cola creación.

Esti día mundial surdió nel añu 2000 por iniciativa de la ONG estadounidense American Tortoise Rescue (organización creada en 1990 para protexer a toles especies de tortúes terrestres y marines), cola cuenta de sopelexar información sobro la importancia de les tortúes, según incentivar el respetu a esta especie reptil.

• Dalgunos de los factores que ponen en riesgu’l caltenimientu de les especies de tortúes tán rellacionaos cola destrucción del so hábitat, el comerciu de la so carne pa la ellaboración de comíes exótiques, según el tráficu y comerciu illegal de güevos y de tortúes.

Conoz dellos datos d’interés sobro les tortúes:

• Les tortúes o quelonios formen parte del orde de los reptiles (Sauropsida)
• Gran parte de la columna vertebral de les tortúes ta xunida a la parte dorsal del cascu.

Les tortúes (tamién llamaes quelonios) son reptiles que se caractericen por tener un cascu d’onde remanez la cabeza, la cola y les pates. Son animales ovíparos que caven los sos niales na tierra arena, onde lleven a cabu la incubación de los güevos.