L’acordeón ye un preséu musical harmónicu de vientu utilizáu en dellos xéneros musicales como la cumbia, el vallenato, el tangu y la polca, formando parte de la diversidá cultural de dellos países nel mundu. Nel so honor, cada 6 de mayu celebramos el Día Mundial del Acordión.
Esti día creose nel añu 2009 en Glasgow (Escocia), mientres la 120º Asamblea Xeneral de los Delegaos de la Confederación Internacional d’Acordionistes (CIA), cuntando cola aprobación de representantes d’unes 30 naciones. Esta fecha que se fai coincidir cola primer patente del primer acordión de la hestoria que foi’l 6 de mayu de 1829.
L’acordión estendiose a lo llargo del sieglu XIX per Europa coles mesmes que los bailles de pareyes enllazaes. N’España, la popularidá d’esta clase de bailles dio llugar al paulatín desplazamientu de los más antiguos de pareyes engarraes y, con ellos, al retrocesu de los preseos habituales nel so acompañamientu (gaites, panderos).
Ente les curiosidaes del acordión mentamos que tuvo’l so orixe na harmónica y moteyóse-y «el pianu del probe», por ser catalogáu como’l preséu de los músicos humildes.
Como precedente a la creación d’esti preséu, Leonardo Da Vinci creó l’órganu de papel, que remembra al acordión. Unu de los primeros acordiones fabricarense en Gran Bretaña, nel añu 1935, fechu con papel, caoba y carey.
