Esperamos una xornada estable en tol Principáu d’Asturies.
- Vamos Amanecer con delles borrines a primeres hores de la mañana en zones del interior (principalmente nel sector central) pero que rápido s’estenarán. Nel restu de la rexón yá va amanecer soleyeru.
- A partir del mediudía, a lo sumo, vamos reparar la presencia de dellos intervalos de nubes altes insignificantes que van dexar el cielu atapecíu pero nun va haber posibilidá dalguna d’agües.
- Los vientos van ser fluexos y variables nel interior, y de componente esti moderaos na mariña.
- Les temperatures máximes van xubir de forma xeneralizada unos 2 o 3 ºC a lo sumo al respective de les máximes anotaes el vienres, siendo la mariña onde menos van xubir.
- Les mínimes, pela so parte, van xubir nel occidente, van baxar un pocu nel interior oriental y van caltenese ensin cambeos nel restu de la rexón.
- El domingu va ser un día soleyeru dende primer hora de la mañana y les temperatures van siguir xubiendo pudiendo superase los 25 ºC n’Asturies. Ello ye que prevese que xuban hasta 3 o 4 ºC entá ye más de los rexistros que s’anoten güei. Eso sí, de cara a la recta final del día nun se refuguen bastios que, a priori, van ser más probables y frecuentes nel cordal y nel occidente.
