- Fonte: El Tiempu /
Esti branu 2025 podría nun ser tan tórrido como los postreros n’España. El mapa de previsión apunta a un branu daqué más templáu, pero non tan estremu. Podríamos tener una estación solo «daqué más templada» de lo normal, pero ensin un calor tan estremo como’l d’años pasaos na mayor parte d’España.
Les postreres salíes de los modelos colos enclinos en temperatures pa esti branu 2025 saquen los mapes en tonos llixeramente anaranxaos o neutros, lo qu’indica xuna anomalía térmica positiva bien débil en gran parte d’España.
Esto oldea con branos anteriores, onde’l color coloráu intensu apoderaba’l mapa, antemanando temperatures bien cimeres a la media.
Tan solo les isles y l’estremu norte peninsular podríen tener un branu más templáu de lo normal. Pal restu sería solo llixeramente más templáu de lo normal.
Inclusive nel suroeste espérase que s’atope dientro de la normalidá: sur d’Estremadura y oeste d’Andalucía (Huelva, Sevilla o Cádiz) podríen vivir un branu con temperatures habituales na zona dientro de la media estadística.
Les previsiones apunten a qu’esti branu del 2025 n’España podría venir con precipitaciones dientro de la media climatolóxica, lo cual ye lo esperao nesta estación, de normal ensuga en gran parte del país.
Lo más relevante ye que nun se reparen señales d’una seca meteorolóxica agravada, una y bones los modelos nun antemanen anomalíes significatives per debaxo de lo normal. Quepe recordar amás que’l branu va arrincar tres una primavera especialmente húmeda nel nuesu país col caudal de los nuesos banzaos en máximos en comparanza colos últimos años.
