- Alborecemos col cielu nuboso tando más escampláu na cordelera y fastera más surocidental d’Asturies con unes temperatures que tan alrodiu de los 12ºC, rexistrándose nel puirtu Payares 3,7ºC.
- Güei vamos tener nubosidá estratificada na fastera central asturiana, tando poco nuboso na cordelera y suroeste asturianu con apertura de dalgún claru o abanciu pela tarde na mayor parte d’Asturies con unes temperatures que van camudar poco o subirán llixeramente les másimes. L’aire del norte-nordés con dalguna racha moderada nel llitoral y zones espuestes.
- Mañana vienres van abrise grandes claros o abancios pa dexanos un día soleyeru y perguapu, sicasí na fastera central asturiana tendremos dalgún intervalu de nubes más en forma d’estratos, sobre too a primeres y últimes hores. L’aire sedrá del nordés y pue soplar cafiante na costa, baxando la sensación térmica a pesar del sol, nel restu subirán les temperatures pero tarán mui contenies, malpenes superaremos los 20ºC.
- El sábadu va tar poco nuboso en xeneral ya tendremos el meyor día de la selmana con muncho sol y temperatures afayaizes, l’aire del nordés amenorgará dalgo anque seguirá dalgo cafiante nes hores centrales del día en puntos del llitoral.
- El domingu tendremos más nubes pero esto yá lu diremos viendo.
