Esperamos un día marcáu pola nubosidá en prácticamente tola rexón. Estos cielos nublos nun van dexar apenes precipitaciones. Sía que non, a lo sumo, podría escapase dalguna gota insignificante escontra l’oriente en dalgún momentu puntual. Los vientos van ser fluexos nel interior y moderaos na mariña predominando de noroeste. Les temperatures máximes van baxar de forma xeneralizada hasta 3 o 4 ºC menos que les anotaes a les del martes. Namá, nel suroccidente, zones altes del cordal, y estremu más oriental podríen caltenese ensin munchos cambeos. Les mínimes nun van esperimentar grandes variaciones.
El xueves prevese nubosidá y, nesti casu, les nubes sí que van dexar precipitaciones anque, en principiu, nun van llegar a toa Asturies. La metá norte polo xeneral, y especialmente el sector oriental, van ser les zones más afectaes poles agües. Estes precipitaciones van entrar pola mariña a lo llargo de la mañana y van unviar mientres la tarde. Tiempu más estable vamos tener el vienres y el sábadu, xornaes nes qu’amás van xubir les temperatures.
