La banda de gaites El Teixo / Manolo Quirós / Semeya: Beatriz Álvarez
Cerca de cien músicos y bailadores d’Asturies y Galicia van desfilar poles cais de Bárzana y van actuar nel escenariu del XXI Mercáu Quirosán, el sábadu 3 de mayu.
- Fonte: La Voz del Trubia
En marcha’l VIII Alcuentru de Banda de Gaites de Quirós que se celebra la tarde de mañana, sábadu, día 3 de mayu, nel Felgueru (Bárzana). Cerca de cien músicos y bailadores d’Asturies y Galicia van desfilar poles cais de Bárzana y van actuar nel escenariu del XXI Mercáu Quirosán.
Nesta ocasión les bandes que van participar na amuesa son: el Grupu de Gaites, Música y Baille “Bicu da Balouta”, Agolada (Pontevedra), l’Asociación Folclórica “La Flor de Grau”, Grau (Asturies), la Banda de Gaites de Castrillón, Castrillón (Asturies), la Banda Gaites “Saxum”, Xixón (Asturies) y como anfitriona la Banda de Gaites “Teixo-Manolo Quirós”, Quirós (Asturies).
Esta ye la segunda vegada que participa nesti festival el grupu Bicu do Balouta” que repite nel intercambiu tres la invitación del añu 2023, visita que los quirosanos devolvieron a posteriori, treslladándose hasta Agolada. Esta banda tien la so see en “vos pendellos” que ye un mercáu con unes edificaciones civiles de les más antigües d’Europa. Los Pendellos de Agolada son el principal curiosu turísticu del conceyu. Esti conxuntu de construcciones de piedra, que daten del sieglu XVIII, sirvía como mercáu y llugar d’alcuentru para comerciantes y ganaderos. Declaráu Conxuntu Hestóricu-Artísticu en 1985, los Pendellos fueron restauraos y calteníos, dexando a los visitantes somorguiase na hestoria comercial de Galicia.
“Saxum”, de recién formación, tamién foi anfitriona de los quirosanos ye’l so primer festival, nel parque fluvial de Viesques. Y a Castrillón tamién viaxaron los quirosanos nel programa d’intercambios y collaboración nel que lleven años trabayando, sinergias musicales, que dan rellumu a cada unu de los festivales y alcuentru locales que se celebren y que se nutren de los saberes y bon faer de caúna de les bandes y asociaciones musicales.
“La Flor de Grau”, tamién creada apocayá al igual que “Saxum”, acaba de ser xuna de los protagonistes de les fiestes de la Flor na villa moscona, con un fuerte apueste pol folclor y la tradición, convocando un premiu que lleva’l so nome y amosándose bien activos.
Tanto esti festival que ye xuna cita obligada de la primavera quirosana y que da color y música a la tarde del sábadu del Mercáu como’l fechu de qu’anguaño, al pie de grupos consolidáu nel tiempu, haya formaciones tan nueves son l’amuesa de que la música asturiana y tolo que la arrodia ta bien viva y somorguiada nun momentu de florecimientu responder por pola nacencia d’asociaciones culturales musicales como les que nos ocupen. Va Haber sorpreses y el públicu va poder esfrutar de la collaboración ente la banda quirosana y l’agrupación la Flor de Grau que yá participó nel Conciertu de Músicos quirosanos que se celebra cada añu’l víspora de Reyes.
🟡 Esti sábadu a partir de les 17:00 hores vamos participar nel VIII Alcuentru de Bandes de Gaites de Quirós, xunto colos compañeros del Grupu de Gaites, Música y Baile Bico da Balouta, la @bgcastrillon, la @laflordegrau y los anfitriones, la @bgquiros. 🥳
Tendremos la oportunidá de desfilar peles precioses cais de Bárzana, nel conceyu de Quirós y, dempués del pasacáis, faeremos una pequeña actuación nel escenariu situáu ente’l Colegio Virgen de Alba y el Polideportivu de Bárzana. 🥰
Tamién vos animamos a quedar pela nueche pal conciertu de @la_tarrancha, que va ser a les 22:00 hores. 🤘🏼
¡Esperámosvos pa esfrutar d’una prestosa tarde llena de cultura y tradición en Quirós! 😍
