- Fonte: web ENTREVISTA / fusionasturias
Guerrera en múltiples debates y batallas, @yosunealvarezescritora, presidenta de @xega.ast, tiene tras sus espaldas muchos años de militancia LGTB 🏳️🌈. Sabe que, por desgracia, llueñe de menguar avérense tiempos difíciles para la igualdá. En plenu rifirrafe col Conceyu del so queríu Xixón, pon tol so enfotu en cerrar per tolo alto el mes del Arguyu .
Con o ensin declaración institucional polos derechos LGTB, la localidá xixonesa va celebrar el sábadu 28 de xunu una manifestación para reivindicar la visibilidá de toes aquelles persones que tuvieron que despintar la so identidá de xéneru y esixir los mesmos derechos para toos, toes y todes con independencia de la so orientación sexual.
🏳🌈 Día del Arguyu. Pero… ¿Arguyu de qué? ¿Por qué?
- Arguyu de ser diversos, distintos, pero toos humanos con un corazón que llate de la mesma manera.
- Arguyu de compartir un espaciu en que la fusión arriqueznos y fainos meyores, más completos y reales.
- Arguyu de sentir, llorar, rir, rellumar y amar de la mesma manera. Con intensidá, pasión y muncha verdá.
- Arguyu d’abrazar, besar y amar llibres. D’aceptar la diferencia y de dexanos a nós mesmos mirar de frente ensin nengún tipu de mieu.
- Arguyu d’atopar tu llugar, tu manera, tu forma, tu acentu. De percorrer un camín llenu de curves y de llevantar la mirada porque nun hai nada qu’esconder.
- Arguyu. Sí, arguyu. Nunca una palabra foi tan bien utilizada. Porque l’amor, seya como quier, sía escontra quien sía, nunca puede ser xulgáu. Nunca puede ser malu.
- Mientres siga esistiendo l’amor, va siguir esistiendo la posibilidá d’un futuru.
¡Feliz día! ¡Feliz Arguyu! ¡Feliz llibertá!
💙❤💛💜💚🩵🩷🖤
🔗: https://fusionasturias.com/otras-secciones/asociaciones/yosune-alvarez-presidenta-de-xega-los-derechos-lgtb-son-una-necesidad-no-un-privilegio.htm
#YosuneÁlvarez#presidenta#asociacion#XEGA#DiadelOrgullo#Orgullo2024#28j#Orgullo#orgulloLGTBI#LGTBI
Miles de persones reclamen en Xixón
l’aprobación d’una llei autonómica LGTBI+
La bandera arcoíris ondea nun nuevu desfile del Orgullín del Norte. Miles de persones participaron esti sábadu na manifestación del Día del Arguyu convocada en Xixón na que reclamaron l’aprobación d’una Llei LGTBI+ nel Principáu d’Asturies.
Partíos políticos d’esquierda, sindicatos, como UXT, CCOO y CSI, y organizaciones sociales sumáronse a la marcha, que percorrió les cais del centru de la ciudá hasta la plaza del Conceyu, onde se lleó un comunicáu nel que s’alvirtió de que, venti años dempués d’aprobase la llei del matrimoniu igualitariu, Asturies sigue ensin una Llei LGTBI+.
Concentraos detrás d’una gran bandera con el colores del arcu iris y d’una pancarta cola lleenda ‘Tolos derechos para toles persones’, los manifestantes partieron pasaes les 18:00 dende’l Paséu de Begoña escontra la Plaza Mayor, n’una columna zarrada por dos carroces.
Asturies y Castiella y Llión son les úniques autonomíes d’España que nun tienen una llei que garantice los derechos de la comunidá LGTBI+, a pesar de que’l presidente Adrián Barbón dixo na llexislatura pasada que se diba a aprobar, afirmó la coordinadora de XEGA (Xente Gai Ástur), África Preus.
En declaraciones a los periodistes mientres la manifestación, la dirixente de XEGA dixo que van tar pindies de cómo queda’l testu definitivu y del so desenvolvimientu, para evitar que se produzan retayos de derechos y de garantíes nel trámite parlamentariu na Xunta Xeneral del Principáu.
Amás, Preus demandó a les instituciones midíes para frenar la «creciente fola reaccionaria que coles sos campañes d’odiu fomenta los ataques y los insultos contra persones que tien otru tipu d’atracciones sexuales, especialmente nes zones rurales onde tán más desarimaes».
Los manifestantes entonaron conseñes como “Nin un pasu tras nos nuesos derechos” y “nun hai arguyu con xenocidiu”.
Más de 2.000 persones movilicense en Xixón polos derechos LGTBIQ+ nel Día del Arguyu. El fechu de qu’Asturies entá nun tenga una llei específica foi motivu de crítica n’una manifestación que recordó’l 20 aniversariu de l’aprobación del matrimoniu igualitariu y que proclamó la diversidá frente a «quien nun quieren que faigamos ruiu»
Venti años dempués de que se fixera hestoria» cola aprobación del matrimoniu igualitariu n’España, Asturies «sigue ensin cuntar con una llei LGTBIQ+». Ye, ello ye que la única comunidá autónoma, xuntu con Castiella y Llión, qu’inda nun desenvolvió una normativa territorial específica. Y esta circunstancia tuvo bien presente na manifestación que se celebró esti sábadu en Xixón con motivu del Día del Arguyu: «Ye una vergüenza. Basta yá de retrasos, duldes, torgues y resistencies».
El colectivu reclama, y asina lo fixo constar tantu nes pancartes esplegaes como nel manifiestu que se lleó na plaza Mayor, «una llei autonómica que garantice los derechos y la protección real de les persones LGTBI+» frente a la discriminación y la homofobia esistentes na sociedá y les instituciones. El Gobiernu autonómicu –que tuvo representáu na manifestación pola viceconseyera de Derechos Ciudadanos y pola directora de Participación y Diversidá Sexual, comprometióse a saldar esta delda» nes próximes selmanes. Pero eso nun restó nin un ápide d’intensidá a una reivindicación qu’entá tien que pasar pol Parlamentu asturianu. «Non más promeses, la llei sobro la mesa», clamaben los manifestantes.
