- Los valores éticos —como’l respetu, la honestidá, la responsabilidá, la empatía y la xusticia— nun son una carga nin una obligación: son un compromisu col bien común, cola dignidá de les persones, con un mundu meyor que toos y toes merecemos.
- Nun ye solo una celebración simbólica; ye una oportunidá para detenenos y cavilgar sobro aquello que sostien la nuesa convivencia, les nueses decisiones, les nueses acciones y, n’última instancia, la nuesa humanidá.
- Nun mundu onde les prieses, la competencia y la inmediatez dacuando intenten imponese a la reflexón y la conciencia, la ética ye esi faru que nos recuerda quién somos y escontra ónde queremos dir.
- Nun se trata namá de cumplir normes, sinón d’actuar con integridá inclusive cuando naide nos repara. De ser xustos, anque sía más fácil nun selo. De ser valientes, anque’l camín rectu cueste más.
Güei ye momentu de preguntanos: ¿Toi siendo fiel a los mios principios? ¿Toi dexando buelgues de bondá na mio redolada?
¿Toi inspirando a otros colos mios actos, non solo coles mios palabres?
La ética empieza no cotidiano: cuando dicimos la verdá, cuando ayudamos a quien lo precisa, cuando escuchamos antes de xulgar. Y ye nesos pequenos actos onde se constrúi una sociedá grande.
Por eso, convidamos a nun dexar qu’esti día pase como unu más nel calendariu. Que sía un puntu de partida. Güei celebramos la ética, pero más qu’eso, güei comprometemos con ella. Porque un mundu con ética nun ye una utopía… ye una posibilidá que depende de cada unu de nós.
