El programa lúdicu ‘Branu en Payares’ arrinca’l 21 de xunu con actividaes gratuites para tolos públicos, qu’inclúin un festival con música tradicional y un mercáu local. El proyectu, que se va desenvolver hasta’l 15 de setiembre, enmárcase na reconocencia d’Asturies como Rexón Europea del Deporte 2025.
El llistáu d’actividaes, gratuites y para tolos públicos, inclúi nesta edición un festival d’altu monte, el 5 de xunetu, un eventu pioneru que va aunir música tradicional, deporte, talleres infantiles y un mercáu local.
Cultura apuesta pola desestacionalización de Valgrande-Payares cola promoción d’un ociu saludable, que busca la participación activo y educativo.
La Conseyería de Cultura, Política Llingüística y Deporte llanzó’l programa d’actividaes Veranu en Payares d’anguaño, una iniciativa que contribúi a desestacionalizar la ufierta na Estación Iverniza y de Monte Valgrande-Payares, al empar que promueve l’ociu saludable, el contactu cola naturaleza y l’educación ambiental. El llistáu d’actividaes, gratuites y para tolos públicos, inclúi nesta edición un festival d’altu monte, el 5 de xunetu, un eventu pioneru que va aunir música tradicional, deporte, talleres infantiles y un mercáu local.
Nesta edición, que se va celebrar les fines de selmana ente’l 21 de xunu y el 15 de setiembre, Veranu en Payares cobra especial relevancia al celebrase nel marcu de la designación d’Asturies como Rexón Europea del Deporte 2025. Esta distinción, al traviés del proxecto ADN Asturies Deporte y Naturaleza, va tar presente en tola programación.
Coles mesmes, mientres les fines de selmana del periodu branizu, podrá utilizase la telecabina Cuitunigru de la estación l.leniza. El preciu del trayectu de xubida y baxada na telecabina va ser de 8 euros per persona. Tamién se van ufiertar bonos individuales d’un día completu por 13 euros y pa tola temporada veraniega, por 55.
Les actividaes gratuites más destacaes incluyíes en Veranu en Payares son les siguientes:
- Montañismu en Payares
Rutes empuestes de 5 a 12 kilómetros con un desnivel d’hasta 500 metros, Nel trayectu esquizaráse la hestoria, cultura y naturaleza de paraxes como’l Parque Natural de Les Ubiñes-La Mesa. L’actividá va cuntar col acompañamientu d’un guía. D’esta miente ye apta pa tolos públicos ensin necesidá d’esperiencia previa.
- Talleres medioambientales
Nos talleres podrá esperimentase, crear y aprender sobro la naturaleza por aciu la observación, el rastrexu y los esperimentos. Tamién se va aprender a identificar buelgues d’animales. la importancia de curiar la redolada y la riqueza natural d’enclaves como la Estación Iverniza y de Monte Valgrande-Payares. Nun se rique esperiencia.
- Ruta y clínic de bici de monte
Esta propuesta va dexar aprender a apoderar la bicicleta de monte con rutes empuestes por Valgrande-Payares, que combinen diversión y aprendizaxe de técniques básiques de conducción. va potenciase l’enfotu y seguridá pa pedaliar en caminos de tierra, mientres los participantes van esfrutar de los paisaxes. Ye necesariu cuntar con bicicleta propia.
- Xeocaching y rastrexu en familia
El xeocaching dexa esquizar, al traviés d’un xuegu familiar, la naturaleza de Payares. Los participantes van buscar ayalgues ocultes con GPS y van aprender a rastrexar. L’actividá fomenta’l trabayu n’equipu, la orientación y l’observación y va dexar afayar la fauna y los secretos del monte. Ideal pa families con neños a partir de 6 años. Nun ye necesaria esperiencia previa.
- Observación d’estrelles
Valgrande-Payares, colos sos cielos escuros, ye ideal pa la observación d’estrelles. Nestes salíes nocherniegues, les persones participantes van aprender a empobinase pol firmamentu con telescopios y piqueros láser. Amás van afayar les constelaciones y la mitoloxía celeste, especialmente mientres eventos astronómicos destacaos.
- Raid d’aventura
Pa poner a prueba la orientación y el trabayu n’equipu. Na actividá va haber que buscar balices y superar desafíos d’habilidá, lóxica y estratexa. Los comenenciudos van aprender a usar mapes y brúxules pa movese de forma autónoma. El raid combina l’exerciciu físicu, la lóxica y la cooperación nun percorríu llenu de sorpreses.
- Yoga en familia
La conseyería ufierta nesti programa la posibilidá de practicar yoga en familia nos cumes de Payares, afayando xuna esperiencia única pa conectar cola naturaleza. Trátase de sesiones diseñaes pa tolos públicos, que van dexar relaxase, recargar enerxíes y esfrutar de los beneficios de la yoga nuna redolada incomparable.
- Marcha nórdica
Nesti casu, ufiértase la posibilidá d’indiciarse na marcha nórdica na redolada de la estación. van aprendese les técniques básiques p’apoderar esti deporte beneficioso y accesible. Trátar d’una oportunidá p’afayar una forma activo y gratificante d’esquizar el monte, qu’ameyora la condición física mientres s’esfruta del aire puro y los paisaxes asturianos.
