- Vamos concluyir la selmana con una xornada nubosa en gran parte del territoriu asturianu. El cordal y otres zones del sur de la rexón va ser onde va haber más probabilidá de ratos de sol.
- La probabilidá de precipitaciones va ser bien baxa pero, sía que non, nun se refuga que pueda escapase dalgún orbayu pocu importantes na mariña especialmente pela mañana.
- Los vientos van ser fluexos predominando de norte de primeres del día, y de nordeste pela tarde con raches moderaes na mariña.
- Les temperatures máximes van xubir llixeramente en tol cordal y nel suroccidente, calteniéndose ensin cambeos nel restu.
- Les mínimes van xubir nel interior central, van baxar un pocu en Picos d’Europa y nun van variar nel restu del Principáu.
- El llunes vamos amanecer con nubes baxes na metá norte y con sol na metá sur. A partir del mediudía, les nubes baxes van sumir abrise, poro, grandes escamplaes en tola Comunidá Autónoma. Les temperatures máximes van xubir de forma xeneralizada y van facelo especialmente nel sur y nel oeste. Les mínimes nun van variar apenes respectu al domingu.
- El martes va ser un día bien calorosu con temperatures que van algamar los 30 ºC nel interior asturianu. Eso sí, pela tarde prevense bastios d’orixe tormentosu.
