- Esperamos una mañana estable anque vamos amanecer con nubes baxes na metá norte asturiana. Rápido, estes nubes van sumir anque van faer actu de presencia nubes de tipu mediu y alto.
- Mientres la segunda metá del día va aumentar la probabilidá de bastios que podríen ser d’orixe tormentosu y van afectar sobremanera al cordal y al suroccidente onde va tar activáu l’avisu mariellu por ello. Comoquier, estos bastios podríen estendese a otros puntos del Principáu.
- Los vientos van soplar de componente sur nel cordal y otres zones del interior, con posibilidá de raches fuertes acomuñaes a les nubes.
- Pela tarde espérase la entrada de vientos fluexos de noroeste dende la mariña.
- Les temperatures van baxar en tol interior hasta 3 o 4 ºC menos qu’esti martes. Na mariña van caltenese o, inclusive, podríen producise dellos ascensos locales.
El xueves vamos tener bon tiempu pela mañana con posibilidá nuevamente de dellos bastios pela tarde, siquier nel cordal. Les temperatures van siguir siendo prestoses, al igual que lo volverán a ser el vienres. Sicasí, pal fin de selmana espera un descensu térmicu xeneralizáu.
