Munches localidaes van averase a los 25 ºC y, inclusive, podrán superase. Les máximes van xubir ente 2 y 3 ºC de forma xeneralizada. Les mínimes tamién van xubir, y van #facer sobremanera nel terciu sur asturianu. Los vientos van predominar de componente esti moderaos na mariña, y fluexos nel interior. En cuanto al estáu de los cielos, prevense nubes baxes a primeres hores en zones de la metá norte, pero rápido van sumir pa dar pasu a una xornada soleyera. Nel sur d’Asturies el sol va rellumar dende primer hora y, sía que non, nun se refuga la presencia de nubes d’evolución pela tarde.
El miércoles volveremos tener bon tiempu y les temperatures volverán xubir. Igualmente, van siguir xubiendo’l xueves y, posiblemente, el vienres. Tanto’l xueves como’l vienres superarán los 30 ºC n’Asturies polo que van ser dos xornaes caloroses na nuesa Comunidá Autónoma.
