La iniciativa apuesta pola movilidá sostenible y recuerda a los usuarios que se deben respetar les normes de tráficu. Uviéu xube’l so apueste pola movilidá sostenible, presentando’l so nuevu arriendu de bicicletes, que se van atopar en dellos puntos de la ciudá y van poner al serviciu de los ciudadanos un centenar de vehículos eléctricos apunta Nacho Cuesta, conceyal d’infraestructures y xestión urbanística.
Estes cien bicicletes súmense a los 200 patinetes que se van anovar estos díes. Énte esti cambéu dende’l conceyu piden a los usuarios responsabilidá aseguren Alfredo Canteli, alcalde d’Uviéu; y Nacho Cuesta.
Los vehículos tampoco dexen marxe d’error: con un sistema que baxa la velocidá según les zones vía GPS y controla que los conductores nun usen los vehículos bebidos, señala Antonio Relaño, director xeneral de Bird Rides n’España.
Bird Rides Spain ye la empresa que llevó alantre’l proyectu. Va esplegar los vehículos progresivamente a lo llargo de güei y mañana y nesti periodu de llanzamientu ufierten 15 minutos gratuitos col códigu Oviedo15.
